[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’High school students sa Banate liwat ginpang-possess ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Liwat nga napuhag ang Banate National High School (NHS) matapos nga gina-alegar ginsudlan na naman sang malain nga espiritu ang indi magnubo 20 ka mga estudyante kahapon sang aga.
Kadungan sang liturgy sang Knights of the Holy Cross of Jesus Christ para sa mga estudyante sang Banate NHS ilabi na ang gin-possess nga 20 ka mga estudyante sadtong Hulyo 14, gulpi lamang nagwaras kag nagkalatumba ang indi na naman magnubo 20 ka mga estudyante.
Ang iban sa ila ang nagasinala kag nagapalak kadungan sang pagsinggitan. Pero namutikan nga kada mahinambit ang pangalan sang Diyos, nagabalik man sa normal ang akto sang mga estudyante.
“Around 7:30 natapos ang flag ceremony. Okey man ang tanan. Ginpangabay lang ang kabataan nga magkalma. Indi sila maglango-lango kon magpangadi kay hambal namon dira pa gid kag gina-atake. So, may procession halin sa entrance sang hall and then ginabitbit ang bible kag nagakanta na kami sang opening theme. So, pagsambit sang Panginoon didto gid nga may nagwaras dayon. Pero ginhambalan lang namon nga indi magpakulba kay tapuson ang liturgy,” hambal ni Dave Anthony Balsicas, nagpanguna sa bible study, sa interbyu sang Panay Balita.
Lakip naman sa ginawakal sang mga estudyante tion nga gina-possess sila amo nga mabalos sila bangod nga ginguba ang ila balay.
“May nagahambal nga may mapatay kuno kay mabalos sila kay ginguba ang ila balay,” hambal dugang ni Balsicas.
Nagbalik lang sa normal ang paghulag sang mga estudyante matapos nga gindala sila sa simbahan sang Banate kag ginpangamuyoan.
Bangod sining hitabo, napilitan ang tagdumalahan sang Banate NHS nga kanselahon ang klase kahapon.
Nagsapol man ang tagdumalahan sang Banate NHS kag lokal nga pangulohan sang Banate kon ano ang maayo nga himuon para indi na masulit ang natabo nga pagwaras sang mga estudyante./PB
[/av_textblock]
[/av_one_full]
