[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ LABAY MAN AKON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY RUNJI ROCIO JAMOLO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
ENDO. “End of Christmas” na kahapon sa pagsaulog naton sang Feast of the Epiphany. Sa Katolikong pagtuo ang Paskua nagtapos sa ikaduha nga Domingo pagkatapos sang adlaw sang Paskua. Sang Deciembre 25 si Hesus nagpakilala sa mga Judeo, ang mga ginakabig mga pinili nga tawo. Ang feast of the Epiphany amo ang pag-reveal ni Hesus sa mga Gentiles (sa mga tawo nga indi Jew) kag upod na ang iban nga katauhan nga non-Jew.
Ginasulit sang simbahan nga ang katapusan sang Paskua indi sa Enero 6 nga sadto ginatawag naton nga “three kings” nga nagyaub ka nagkilala sang pagkahari ni Jesus. Nagatapos ang panahon sang Paskua sa Feast of the Epiphany ng ginasaulog sa ikaduha nga Domingo pagkatapos sang Paskua.
Halin Deciembre 16 tubtub kahapon ang adlaw sang Paskua. Duha ka pulo’g (23) man ina ka adlaw apang daw sa kulang pa.
Masadya ang pagsaulog sang Paskua sa Pilipinas. Sunod sunod ang mga party. May mga pagtilipon sang magpamilya, mag-abyan, magkaingud puluy-an…ah daw halos tanan na lang.
Daw halos isa ka bulan na ina ang kalawigon pero daw sa kulang gihapon ang mga adlaw.
Diri gani sa Pilipinas, Septiembre 1 pa lang ginsuguran na naton ang countdown.
Sang nagligad nga Christmas days, madamo nga parties ang akon gintambungan. May mga nabaton nga regalo gikan sa mga nakadumdum samtang naghatag man ako sang mga regalo, ginpilipili ko lang.
Nagapati ako nga ang tanan dapat regaluhan apang bangud limitado lamang ang pundo, gin-prioritize ko man ang ginhatagan.
Nagpanguna sa akon listahan ang mga bata. Ang mga bata nagaangan-angan gid sang Paskua nga ila mabaton. Una sa tanan ang mga bata sa akon pamilya kag ang mga ihado o ihada. Sa liwat, nagapangayo ako sang pasaylo sa wala naabtan sang regalo ko. Gin-prioritize ko yadtong mga bata nga naka-appreciate na sang “gift giving” – ang mga yadtong tatlo o apat ka tuig tubtub yara sa napulo ka tuig. Sunod sina, gin-prioritize ko ang malaka lang nga ginahatagan – para ma-apprciate nila nga may iban pa nga tawo magluwas sa ila pamilya nga nagaulikid sa ila.
Siempre, indi garboso o malahalon. Ina’ng mga kinahanglan nila o ang makakuha sang ila “fancy.”
Bangud nagaulikid kita sa less privileged, natural lamang nga sila ang subject sang aton atensyon.
Noviembre pa lang, ang akon mga maalwan nga classmates kag batchmates sa Iloilo High School (1976) nagpili sa pagpanagtag sang regalo – mga hampanganan, rubber slippers kag habol – sa Ati community sa Lanit, Jaro, Iloilo City. Pagkatapos sadto, may salo-salo nga “boodle fight.”
Antes magtakop ang Christmas season, ang mga beat reporters sa City Hall nagpain man sang isa ka adlaw para magpamaskua sa mga babaye nga boarder sang Iloilo City District Jail sa compound sang Iloilo City Police Office sa dalan Heneral Luna.
Ang Iloilo City Hall Press Corps tuigan nga nagabisita kag nagahatag sang regalo sa mga female inmates humalin pa sang tuig 2001. Bisan kulang sang pundo, natigayon man ang pagpamaskua sa ila sang nagligad nga Biernes. Ugaling indi na individual packs ang ila nabaton kundi gintugyan na lang namon ang 50 ka monobloc chairs nga ila gamiton sa sulod.
Sang nagligad nga duha ka tuig, madamo na ang isa ka gatos ka female sa ICDJ. Apang sining duha ka Paskua nga nagligad, nagdoble ang ila populasyon – 223 na sila karon didto. Kadam-an sa ila nga nahunong didto nagahulat sang development sa ila kaso may kaangtanan sa illegal drugs. Kon gutok sila sadto nga 100 lang sila, naggilinutok na gid sila karon sa sulod. Magin-ut ang lugar gani kinahanglan ang electric fans. Wala man sila sang sarang mapungkuan. Imbes nga maglumpagi, ang plastic containers sang biskwit amo ang ila serbe pulungkuan.
Sa konsoltasyon kay ICDJ Warden Imee Lopera, ginpangabay niya nga kon may inughatag, labing maayo ang pulungkuan para comfortable sila sa ila matag-adlaw nga mga sessions.
Luyag pa gid kontani namon maghatag sa ila sang “hygiene kits” ugaling kapus sang pundo ang mga City Hall beat reporters nga natigayon sa bulig sang amon maalwan nga sponsors, SM City kag Philippine Red Cross.
Ang Paskua indi lamang ang panahon sa paghatag sang regalo o pag-ulikid sa isigkatawo. Ang Paskua indi lang panahon sang kinasadya kag labi nga wala nagadulog sa Christmas season ang pag-ulikid sa tagsa. Padayon lang ang pagpalanggaanay. Padayon lang kita sa pagbalikid sa mga mas nagakinahanglan sang aton bulig. (runjirjamolo@gmail.com/PN)
[/av_textblock]
[/av_one_full]
