[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Feeding program, daku nga bulig sa kabataan sa Rehiyon 6 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Daku ang nabulig sang Supplementary Feeding Program sang Department of Social Welfare and Development (DSWD) 6 sa pag-improbar sang ikaayong lawas ilabi na sang mga pigado nga kabataan sa rehiyon 6.
Sandig sa datus sang DSWD-6, naglab-ot sa 26 ka mga banwa gikan sa mga probinsya sang Aklan, Antique kag Iloilo ang benepisyaryo sang duha ka beses sa isa ka adlaw nga feeding program sa mga pre-school ukon day care centers.
Sa Aklan, ang mga banwa sang Kalibo, Tangalan, Malay, Banga, Boroanga, kag Numancia nga ginabug-osan sang 4,367 ka mga bata ang benepisyaryo sang feeding program nga may pundo nga P13.825 milyon.
Sa Antique, 12,320 ka mga bata ang benepisyaryo sang programa nga may pundo P38.438 milyon gikan sa mga banwa sang Laua-an, Hamtic, Sibalom, Anini-y, Valderama, San Jose, Tobias Fornier, Libertad, Culasi, kag Barbaza.
Kag sa bahin sa Iloilo, may pundo nga P34.360 milyon ang 11,013 ka kabataan gikan sa Balasan, Barotac Viejo, Dingle, Janiuay, San Enrique, Pavia, Potatan, Mina, Miag-ao, kag San Rafael.
Sunu naman kay Diana Alcantara, focal person sang Supplementary Feeding Program sang DSWD-6, tatlo lamang ka mga probinsya sa rehiyon 6 ang ginhatagan nila sang twice a day nga feeding program bangod nga ini sila ang may mataas nga kaso sang malnutrisyon pero wala nagakahulogan nga wala nakabaton sang feeding program ang iban pa nga mga probinsya.
Ina bangod nga kabug-osan nga 165,227 ka mga bata ang benepisyaryo subong sang once a day nga regular feeding sa rehiyon nga ginpundohan sang P297,408 milyon.
Tinutuyo sang programa nga ma-improbar ang ikaayong lawas sang mga bata ilabi na sang mga pigado nga indi makasarang magbakal sang masustansya nga mga pagkaon.
Gusto man sang ahensya nga ipabatyag sa mga bata nga pigado nga naga-ulikid sa ila ang gobyerno paagi sa paghatag sa ila sang pagkaon.
Ginpasalig man sang DSWD-6 nga mapadayun ang kasubong nga programa sa rehiyon kag tinguhaan pa nila nga mapadamo pa gid ang makabanepisyo sini nga mga bata ilabi pa nga may pundo na para sa programa.
Angut sini, ginahinyo sang DSWD-6 ang mga ginikanan nga buligan man ang ahensya ukon ang mga day care workers sa pagpatuman sang programa para mas mangin epektibo ini./PB
[/av_textblock]
[/av_one_full]