[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Asawa kag anay staff sang konsehal nag-gan-itanay bangod sa pangimon?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Daw eksena lang sa pelikula ang natabo sa duha ka babae nga lunsay empleyado sang Iloilo City Hall matapos mag-gan-itanay sila sang buhok pag-gwa gid nila sa elevator sa ika-anum nga panalgan sang city hall kahapon.
“Kibot lang kami pag-gwa sang duha ka babae nagabutongay sila buhok. Wala man sila nagatingog basta nagagan-itanay lang sila,” pahayag sang isa sa nakasaksi.
Sang uilihi, nag-gwa sa pagpangusisa nga asawa gali sang isa ka konsehal sang syudad kag iya man lang anay staff atong nag-gan-itanay. Pero sa subong ining anay staff sang konsehal ara na naga-obra sa opisina sang isa pa gid ka konsehal.
Ginpahayag nga halin pa lamang sa ground floor masakit na ang tulokay sang duha ka babae antes magsulod sa elevator. Bangod pareho nga sa ika-anum nga panalgan manaog, wala sang mahimu kundi nag-upod gid sila sa elevator no. 2 nga amo ang isa sa mga nagadulog sa panalgan kon sa diin nahamtang ang ila opisina.
“Sa elevator pa lang may dis-oganay na. Pag-gwa ti amo na to natabo, guramosay sila nga duha,” kumpirmasyon naman sang isa sa mga empleyado.
Gina-alegar nga pagpangimon ang kabangdanan sang gamo. Ginpahayag nga ginadudahan sang asawa sang konsehal ang babae nga may relasyon sa iya bana halin pa sang una. Apang gin-athag naman sang abyan sang babae nga madugay na nga nahusay ang problema bangod nag-atubangay na ang asawa sang konsehal kag bana sang babae kon sa diin gin-athag sang naulihi nga wala sang relasyon ang iya asawa kag konsehal.
“Dugay na na ah. Nahusay na sila kag nag-atubangay na na sila sang bana sang babae. Indi na ya matuod nga may relasyon sila,” depensa sang abyan sang babae.
Samtang, sa pagpakig-angut sang Iloilo City Hall Press Corps sa isa pa ka konsehal sa diin diri na naga-obra ang babae, ginpahayag sini nga nakibot sia sa hitabo. Paathag niya nga wala sia sang ideya sa kabangdanan sang dumogay.
Gintinguhaan naman nga pakig-angutan ang konsehal nga ginhalinan sang gan-itanay apang wala sia sa iya opisina kahapon.
Sunu naman kay City Administrator Atty. Hernando Galvez, kon may magreklamo, mahimu sila maka-imbestigar kag makapasaka sang kaso administratibo./PB
[/av_textblock]
[/av_one_full]
