Garin ginkasohan libel si Ubial

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Garin ginkasohan libel si Ubial ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Saturday, February 24, 2018
[/av_textblock]

[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginpasakaan sang kaso nga libel ni anay Secretary Janette Garin sang Department of Health (DOH) ang nagtal-os sa iya sa puesto nga si anay Health Secretary Paulyn Jean Ubial kag tatlo ka iban pa.

Pormal nga nag-file sang reklamo si Garin sa Iloilo Prosecutor’s Office kahapon sang aga kontra kanday Ubial, Undersecretary Dr. Ted Herbosa, health advocate nga si Dr. Tony Leachon, kag consultant ni Ubial nga si Dr. Francis Cruz bangod sa isyu sang Dengvaxia.

“Basically I’m here today to file libel cases, four counts of libel cases against Dr. Teodoro Herbosa, Dr. Francis Cruz, Dr. Tony Leachon, and Dr. Paulyn Ubial,” siling ni Garin.

Ikaduha naman ini nga pagpasaka sang kaso nga libel ni Garin kontra kay Cruz. Enero 26 sang una niya nga ginpasakaan ini sang kaso sa Iloilo Prosecutor’s Office.

“But this is the second time I actually filed kay last January 26, rigya man ako, nag-file ako sang kaso against Dr. Francis Cruz,” dugang ni Garin.

Nag-ugat ang pagpasaka sang kaso ni Garin sa pagpakalain sa iya angut sa isyu sa Dengvaxia vaccine nga ginbakal samtang sia pa ang nagapungko nga DOH secretary.

Matandaan nga ginsugid sang French drug maker nga Sanofi Pasteur sadtong Nobyimbre 2017 nga ang Dengvaxia vaccine posible nga makatuga sang mas malala nga sintomas sang dengue sa mga kabataan nga nabakunahan sini nga wala maka-agi sang dengue.

Hambal ni Garin, wala lang ginapakalain ang iya pagkatawo kundi nagatuga pa sang pagpatalang sa publiko ang ginahimu sang apat ka mga persona.

“Wala lang nila ginapakalain ang pagkatawo ko kundi naga-create sila sang confusion sa publiko and that is very difficult. If you tolerate this, the impact is very huge kay indi lang kita ang maapektohan kundi ang mga bata ta kag mga kaapohan ta,” dugang pa ni Garin.

Luwas sini, naka-apekto man ang ginbuy-an nga pahayag sang apat sa trabaho sang departamento matapos nga nahadlok na ang publiko nga magpabakuna.

“Ang impact sa public health kon nadulaan sang kumpiyansa, nadula man ang kumpiyansa sang tawo sa departamento,” dugang pa sini.

Ginklaro man dayon niya nga matinlu ang iya konsensya kag bukas sia sa pag-atubang sa imbestigasyon.

Lakip naman sa ginbasehan ni Garin sa pagpasaka sang kaso nga libel kay Cruz amo ang pahayag sang naulihi nga may DOH mafia. Gin-akusaran man sia ni Cruz sa pagtunga sang P566 milyones nga na-save gikan sa P3.56 bilyones nga pundo para sa pagbakal sang Dengvaxia vaccine.

Pero depensa ni Garin nga savings ang P566 milyones nga ginatumod ni Cruz kag ginbalik nila ini sa kaban sang gobyerno. Bisan si Dr. Francisco Duque III nga DOH secretary subong naghambal nga ginbalik nila ang kwarta kag wala ginbulsa.

“Unang-una naghambal sia may DOH mafia, ginpangalan ya kami. Naghatag sia akusasyon nga out of P3.56 billion nga pundo sang dengue vaccine, may ara kuno P566 million nga gintunga-tunga. Natingala kami because that is a big lie. Butigon sia katama,” hambal ni Garin.

Sa bahin naman ni Ubial, ginhambal ni Garin nga naghatag ini sang sala nga impormasyon matapos nga naghimu-himu sang istorya. Gindugang pa niya nga dapat nga mag-move on na si Ubial sa pag-reject sa iya appointment sang Commission of Appointments.

“Tana man ang isa nga naghatag sang sala nga impormasyon. I understand that it still pains here until now being rejected by Commission of Appointments, way kami na ya labot. It’s actually a measure of her performance. Kon sia na-reject kag nakakas bilang secretary I think the best thing to do is move on kay sia isa ka doktor,” pahayag pa ni Garin.

Samtang, luwas sa libel, ginatun-an man sang mga abogado ni Garin ang iban nga mga kaso nga posible ipasaka kontra kanday Ubial, Cruz, Herbosa, kag Leachon./PB
[/av_textblock]

[/av_one_full]

LEAVE A REPLY

Please enter your comment!
Please enter your name here