[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hubog naniro: 1 patay, 3 pilason ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Isa ang patay kag tatlo ang nagkalapilasan sang nagpaniro ang hubog nga lalaki sa resto bar sa North Terminal sakop sang Barangay Banago diri sang Lunes sang gab-i.
Ginkilala ni Senior Insp. Larry Teovisio, hepe sang Police Station 3, ang napatay nga si Arvin Sagmon, 20, kag naga-istar sa Brgy. San Jose, Syudad sang Sipalay, Negros Occidental.
May igu ini sa iya ulo kag liog kag dali-dali gindala sa Corazon Locsin Montelibano Memorial Regional Hospital (CLMMRH) apang ginlawag dead-on-arrival.
Ang tatlo naman nga napilasan amo sanday Josephine Magsipoc, 41, waitress, dalaga kag naga-istar sa Purok Tumpok, Syudad sang Talisay; Jose Perez Chua, 60, sang Country Homes, Brgy. Estefania, Syudad sang Bacolod; kag ang 15-anyos nga dalagita nga taga-Brgy. 16 sang amo man nga syudad.
Ang duha ka babae padayun pa karon nga ginabulong sa CLMMRH samtang si Chua yara ginabulong sa Riverside Medical Center.
Gintudlo naman ni Teovisio nga suspek si Nelson Arela, 30, taga-Montilla Street, Brgy. 1 Poblacion 1, Isabela.
Nalagyo pa ang suspek pero nadakpan man sang ulihi sa ila ginadayonan nga barracks sa Purok Kamansi, Brgy. Banago, sa diin sia naga-obra bilang pan-id ukon manogbubod sa punong.
Sa imbestigasyon sang pulis, nagreklamo ang suspek ngaa nga mahal ang lady’s drink sa balor nga P180 nga gin-order sang iya ka-table nga babae.
Ginapasuni dayon nga ginyaguta sia sang iban nga mga naga-inom kag ginhambalan pa sia nga indi makabayad. Nagsabat pa ang suspek nga may kwarta sia kay bag-o lang sila naka-harvest lukon apang may paglalisay nga nagluntad rason nga naglakat na lang ang suspek. Pero nagbalik ini nga may dala na nga armas kag nagpataka paniro.
Sa subong, nahunong na si Arela sa karsel kag ginahikotar sang Police Station 2 ang pagpasaka kaso nga murder kag multiple frustrated murders kontra diri./PB
[/av_textblock]
[/av_one_full]
