[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hustisya para sa Ilongga nga nasapwan patay sa freezer sa Kuwait’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 12, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Hustisya ang ginasinggitan subong sang pamilya sang 28-anyos nga Ilongga nga overseas Filipino worker (OFW) nga nasapwan patay sa sulod sang freezer sa Kuwait.
Sa interbyu sang mga katapo sang media kay Eva Demafelis, iloy sang biktima nga si Joanna Daniela Demafelis nga tumandok sang Barangay Ferraris, Sara, Iloilo, nagapangayo sila sang bulig sa gobyerno kag sa mga natungdan nga ahensya para maangkon ang hustisya para sa iya bata nga ginlaragway niya nga mabuot kag mabinuligon.
“Mabuot tana to kag mabinuligon. Palangga ya tamon,” nagahibi nga hambal sang iloy parte sa iya ika-anum sa siam tanan ka mga bata.
Sunu pa kay Eva nga sadtong 2014 naglakat sa Manila ang iya bata para makapadulong sa pungsod Kuwait. Kag ang ulihi naman nga pakig-istorya sang biktima sa manghod sini natabu sadtong 2016 kon sa diin nag pasalig man ini nga maayo ang iya sitwasyon didto.
“Naka-contact sia sang 2016 sa bata ko pero sa amon ni tatay ya wala. Nakatawag sia sa manghod ya, ginapamangkot sang manghod ya, okey man sia kuno,” dugang sang iloy.
Pebrero 2017 naman sang nagdangop ang pamilya Demafelis sa Overseas Workers Welfare Administration (OWWA) para mabal-an ang sitwasyon ni Joanna. Pero napaslawan ang OWWA sa paglab-ot sa biktima kadungan sang pagkadiskubre nga nagsirado na ang recruitment agency nga gin-applyan sini.
Nahibaluan nga nasapwan na lang si Joanna nga nakasulod sa daku nga freezer sa apartment kon sa diin naga-istar ang amo sini nga Lebanese kag asawa nga Syrian. Nagkadto didto ang tag-iya sang apartment matapos nga halos isa na ka tuig nga wala nakabayad sang renta ang mag-asawa.
Natukiban pa nga wala sang panapton sa pang-ibabaw nga bahin sang lawas si Joanna kag samtang ginasulat ini nga balita, indi pa madeterminar sang mga otoridad sa Kuwait kon ano ang gintunaan sang kamatayon sini.
Sa subong naman, ginahulat na sang pamilya Demafelis ang pag-abot sang bangkay ni Joanna sa bulig sang OWWA nga nagpasalig man nga magahatag sang bulig sa pagpalubong sa OFW./PB
[/av_textblock]
[/av_one_full]