[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Iloilo-Guimaras Bridge dayon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Positibo ang Department of Public Works and Highways (DPWH) 6 nga madayon ang pagtukod sang taytay nga maga-angut sa probinsya sang Iloilo kag Guimaras.
Ginhambal ni Director Wenceslao Leano sang DPWH 6, positibo sia sa proyekto bangod nga si DPWH Secretary Mark Villar mismo ang nagpasalig nga dayunon sini ang pagpatindog sang taytay sa idalom sang subong nga administrasyon.
Ang central office sang DPWH ang ma-asikaso sang mga kinahanglanon ilabi na sa pagpatuman sang feasibility study sa pagpatindog sang taytay. Ginalantaw nga ma-konekta ang taytay sa Buenavista, Guimaras kag Leganes, Iloilo.
Dugang ni Leano nga may feasibility study sang 2015 nga ginhimu ang Japan International Cooperation Agency apang naga-depende kay Villar kon adoptaron niya ato.
Samtang, gin-abi-abi gid sang duha ka gobernador sang nasambit nga mga probinsya ang mihura sang proyekto.
Para kay Gob. Samuel Gumarin sang Guimaras, bentaha sa ila ang tukuron nga taytay bangod mangin madali kag mahapos na ang pagdala sang ila mga produkto sa Syudad sang Iloilo.
Nagalaum man ang gobernador nga masugoran ang pag-obra sang taytay sa masunod nga tuig kag ginsugid niya nga nakapadala na ang gobyerno nasyonal sang inisyal nga P150 milyon bilang preparasyon sa paghawan sang dalan nga posible agyan sang proyekto.
Sa bahin ni Gob. Arthur Defensor Sr., nagapati sia nga daku nga benepisyo ang maagom sang Iloilo, Guimaras kag isla sang Panay sa ginaplano nga taytay.
“It is beneficial to the growth, development, progress of the entire city and province of Iloilo and Panay island and Guimaras. It will boost attraction, development growth not only Iloilo but also in Guimaras,” reaksyon ni Defensor.
Posible mangin dalan man ini para dayunon man ang taytay nga maga-angut sa Guimaras kag Negros Occidental kag ang sa Negros Oriental pa-Cebu./PB
[/av_textblock]
[/av_one_full]
