[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Ilonggo nga soldado patay na naman sa Marawi’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nag-abot na ang bangkay sang Ilonggo nga soldado nga pinaka-ulihi nga napatay sa engkwentro sa Syudad sang Marawi sa ila balay sa Barangay Canabuan, Tigbauan, Iloilo kahapon sang udto.
Si Private First Class Kevin Cangrejo, lima ka tuig nga miembro sang Philippine Marines kag nagaserbe nga loader sang mga bala sa armored car, ang napatay samtang naga-away sa grupo sang Maute. Nakaagom sia sang patal nga pilas sa likod sang ulo rason sang iya kamatayon.
Sa interbyu sang mga katapo sang media sa utod sang napatay nga si Sgt. Keneth Cangrejo, miembro man sang Philippine Marines kag nadesignar sa Marawi, napurohan gid ang iya manghod matapos nga naglupok ang RPG alas-nueve sang aga sang Lunes.
“Nag-conduct sila ng fire mission kay may target sila kaso indi nila napansin na nabutas sang RPG yong tangke. Pagbutas pumasok sa loob, doon sia sumabog,” hambal ni Cangrejo.
Luwas sa napatay, nasamaran pa ang tatlo ka mga kaupod sini.
Nahibaluan nga ulihi nga nagpauli sa Tigbauan para magbakasyon ang soldado sadtong Hulyo 3 kag nagbalik sa Marawi sang nagligad lang nga Agusto 4./PB
[/av_textblock]
[/av_one_full]
