[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA PAGTAKOP sang tuig 2017, ginsaysay ni Mayor Jose Espinosa III ang mga kadalag-an nga nalambot sang syudad sang Iloilo. Ini nagasakop sang iya una nga tatlo ka bulan nga pagpungko bilang ehekutibo sang sang syudad.
Suno sa alkalde ginapakita sini nga mas napaayo niya ang serbisyo sa publiko. Isa sa indi niya malipatan amo ang meeting kay President Rodrigo Roa Duterte sa sulod sang halos isa ka oras sadtong Nobyembre 23.
Nangin highlight man sang kampanya kontra ilegal nga droga ang pagtukod ni Espinosa sang Iloilo City Barangay Drug-Clearing Program Assistance (ICBDCPA) Team paagi sa Executive Order No. 124 sadtong Nobyembre 16, 2017 nga nangin dako nga bulig sa pagtumod sang mga drug-cleared barangays. Bilang resulta naging drug-cleared ang mga barangay sang Luna kag Libertad-Santa Isabel sa Jaro kag Sampaguita sa City Proper matapos ginpaidalum sa validation sang Regional Oversight Committee on Barangay Drug-Clearing Operation
Ginkilala man si Espinosa bilang Clean Air Champion sang Clean Air Philippines Movement, Inc. (CAPMI) sa ti-on sang National Clean Air Month culminating activity sa Iloilo Convention Center (ICON) sadtong Nov. 29, 2017.
Ang Clean Air City Award 2017 ginhatag sa Iloilo City Government bangud consistent ini sa pagdihon, pagpatuman kag pagpadayun sang mga polisa kag programa agud makakas ang polusyon sa hangin.
Gindayaw man ni Jaro Archbishop Angel N. Lagdameo si Espinosa sadtong Disyembre 13 bangud sang mga tikang sa pagkakas sang mga kiosks, pag-install sang LED flood lights sa Jaro Plaza, Plaza Libertad kag La Paz Plaza para sa kaluwasan sang publiko.
Ginkilala man ang syudad bilang best performing city in Western Visayas sa 2017 Excellence in Local Governance Awards (EXCELL) sang Department of Interior and Local Government (DILG) sa isa ka seremonya sadtong Disyembre 19 sa Iloilo Convention Center (ICON).
Mismo sanday DILG undersecretary Austere Panadero, DILG regional director Anthony Nuyda kag DILG assistant regional director Maria Calpiza Sardua ang naghatag sang plaque sa syudad.
Pasalig ni Espinosa nga magapadayun sya sa pagpatuman sang maayo nga pagginahom agud malambot sang syudad ang pagsanyog kag pagbag-o sa 2018.
Kun basehan ini nga mga kadalag-an indi pa matakos ang administrasyon ni Espinosa. Kun sa mga hulobaton pa sang mga tigulang, linghod pa ini. Kun sa mga lapsag pa, nagatakang-takang pa lang bangud bag-o lang nagbulos sa pwesto gikan kay anay Mayor Jed Patrick Mabilog. Bisan nga madugay na sa politika ang alkalde apang subong pa lang sya nag-uyat sang renda sang syudad bilang chief executive.
Dako nga sapatos ang dapat pun-an ni Espinosa. Ini bangud napahamtang na ang mga pondasyon para sa iya kag depende na kun ano nga mga pagbag-o ang iya mahimo sa idalum sang iya ngalan. Ang kadalag-an sang syudad sa idalum ni Mabilog magaserbe nga palaanggiran kun ano ang mangin performance ni Espinosa. Kabay pa nga indi lang matupungan kundi dapat lampuwasan para sa kaayuhan sang kadam-an. (jpranco1975@gmail.com/PN)
[/av_textblock]
[/av_one_full]
