[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KOLEKTOR GINHOLD-AP, P100K NATABAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Saturday, January 7, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Nabiktima sang hold-ap ang kolektor sang isa ka lending company sa Sitio Canjacap, Barangay Tapi, Syudad sag Kabankalan, Negros Occidental mga ala-1:20 ang takna sang hapon sang Huwebes.
Ginkilala ang biktima nga si Steve Lazarito Janeo, 27, kag pumoluyo sang Brgy. Talubangi sang amo nga syudad.
Sunu sa report sang Kabankalan City PNP, ginlambatan ini sang duha ka suspek samtang nagapauli na halin sa pagpangkolekta sa ila mga kliyente.
Sunu pa sa report nga ginkastigo ang biktima, gingapos kag ginguyod sa sulod sang kampo sang tubo sa diin nakuha sa iya paghinakop ang kapin ukon sobra sa P100,000 nga koleksyon.
Nakita na lamang si Janeo sang duha ka tigulang nga babae nga nagbalik sa pagpanghilamon sa amo man nga kampo sang tubo matapos nabatian ang iya ugayong nga nagapangayo tabang.
Gilayon man ginpahibalo sang duha ka tigulang ang natabo sa mga katapo sang 78th Infantry Battalion detachment nga malapit lang sa lugar nga amo ang nagreport man sa Kabankalan City PNP.
Sunu kay SPO2 Eto Toledo, imbestigador sang kaso, may yara sia natalupangdan nga indi husto nga pahayag sang biktima kon ngaa ini nagtomar sang pangduha-duha.
Sunu sa iya, ginalantaw niya ang angulo nga “holdup me” apang padayun pa ang iya imbestigasyon sa biktima nga yara karon ginabulong sa ospital sa syudad./PB
[/av_textblock]
[/av_one_full]
