[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ LABAY MAN AKON ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY RUNJI ROCIO JAMOLO
[/av_heading]
[av_textblock size=” font_color=” color=”]
Monday, October 2, 2017
[/av_textblock]
[av_textblock size=’18’ font_color=” color=”]
“KUMUSTA ang Iloilo?”
Masami nga mapamangkot ako sini sang akon mga abyan kag mga himata, hilabi na ang mga indi Ilonggo. Bisan ang Ilonggo nga madugay na nga wala nakapauli sa Iloilo, kon kaisa mahapos mapatalang bangud sang mga indi kaayaaya nga label nga ila nabatian nga gin-attach sa Iloilo.
May mga unverified reports nga may mga investors nga nagbawi sang ila investments sa Iloilo. Subong man nga may mga nag-withdraw sang ila bookings sa group tour ukon conventions.
Una nga naghimutig sini amo ang regional office sang Department of Tourism. Sa pagkamatuod sa syudad sang Iloilo hiwaton ang convention sang Association of Tourism Officers of the Philippines sini nga semana. Ginabanta nga 1,200 ka tourism officers kag mga katapo sang tourism councils sang mga local government units sa pungsod ang bisita sang Iloilo kag Iloilo City sa Oktobtre 4 tubtub 7. (Sang nagligad pa nga tuig nahuman ang plano nga ang 2017 ATOP convention matabo sa Iloilo kag wala sang may nagpangduhaduha sini).
Halus kadungan sini nga hiwaton ang farm tourism sa Iloilo.
Sadtong nagligad nga bulan, ginhiwat man sa Iloilo Convention Center (ICon) ang agri mechanization gathering sa mga agriculture officers, mga mangunguma kag mga tiglawas sang mga kompaniya nga nagbaligya o nag-demonstrate sang farm machineries sa tuyo nga mapatin-ad ang produksyon sa kaumhan. Minilyon ka pesos ang ginbanta naula sa ekonomiya sang Iloilo sa hotel accommodations, transportation, shopping kag nabakal nga mga pasalubong sa pagpauli sang mga bisita.
Sa mga kahigayunan kasubong sang pagbuyot sang tiil sang Iloilo labi nga kinahanglanon ang pagpaninguha sang mg Ilonggo nga itib-ong ang kaugalingon, pahayag pa ni Tourism regional director Helen Catalbas.
Ang mga Ilonggong yara sa pribado nga sektor nagahipus lang apang nagapaninguha nga tadlungon ang mga sayup nga impression sa Iloilo gani sang paghimakas nga ma-showcase ang “pogi points” sang probinsya kag syudad pinaagi sa sining panikasog nga “Proudly Ilonggo”. Sa pagtililipon sang mga negosyante sang Sabado, ila ginhisayud gikan kay Police Chief Superintendent Cesar Hawthorne Binag ang matuod nga peace and order situation nga ginpahayag naman sang pinuno sang kapulisan nga “generally peaceful” ang Kabisay-an Nakatungdan.
Yara sa construction mode karon ang Iloilo. Sa syudad lang, makit-an ang mga pagpasangkad sang dalan kag pagpakaayo sang drainage. Medyo may huol lang gamay apang mapahamtang gid sa kahim-usan ang tanan sa tion nga matapos na ang mga ginapang-obra. Masangkad ang dalanon, labi na sa Diversion Road padulong sa airport sa Santa Barbara lakip na ang circumferential road.
Dalagko nga mga shopping malls ang madali na lang nga mabuksan. May mga malls kag sanga sang dalagko nga mga grocery ukon department stores nga ginapatindog sa outskirts sang syudad. Padayon pa gid ang construction works sang mga hotels kasubong sang Marriot Courtyard, Gold Berry Hotel kag iban pa nga nalapta sa anum ka distrito sang syudad nga dugang pa sa existing na nga daan nga mga hotels. May mga dalayunan man nga naga-provide sang comfort sang mga hotels kasubong sang Zuri Hotel, PearliView Hotel, GT Hotel, B Hotel kag iban pa para sa mga budget travelers.
Ang Iloilo International Aiport isa sa labing masako sa pungsod nga may kapin 2 ka milyon nga recorded air traffic (CAAP, 2017).
Suno kay Maria Lea Victoria Lara, executive director sang Iloilo Business Club, may mga bag-o nga medical facilities nga malapit na lang mahuman kasubong sang Allied Care Experts (ACE) Medical Center kag Metro Iloilo Hospital and Medical Center. Mangin mahapos na ang pagpabulong bangud sang mga sentro sang medisina kasubong sang Cancer Center sang St. Paul, sang WVSUMC Cancer Institute & Heart, Lung & Kidney Center.
Ano pa ang kadtuon mo sa Manila kon ini nga mga facilities yari man sa Iloilo? Amo gani nga madamo nga expats maluyag na mag-retiro sa Iloilo karon pa nga magsipagtindog sang residential condominiums ang mga kilala nga real estate developers.
Ginasiling ni National Economic and Development Authority Region 6 director Ro-ann Bacal nga ang IT-BPM industry sa Iloilo malig-on nga nakasandig sa 47 ka BPM companies nga may 21,500 ka fulltime employees nga responsible sang 43 million US dollars nga monthly investments kay 22 milyones dolyares nga bulanan nga revenues.
Pila ka nahut pa lang ini ang nasugid ko. Madamo pa ang matabo sa Iloilo sa mga big ticket projects nga nakalinya nga obrahon.
Salig lang kita sa Iloilo upod ang paspas nga pagtrabaho. (runjirjamolo@gmail.com/PN)
[/av_textblock]
[/av_one_full]
