[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki ginpatay bangod sa pangimon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Bangod sa pangimon kag madugay na nga kaakig, gintiro sang mag-utod ang ila kaingod sa Sitio Minasog-ang, Barangay Tabun-ac, Toboso, Negros Occidental mga alas-5:30 ang takna sang hapon sang Nob. 1.
Ginkilala ni Chief Inspector Roberto Mansueto, hepe sang Toboso PNP, ang biktima nga si Rodrigo Lleses Laurnete, 46, may asawa, kag naga-istar man sa amo nga duog. May igu sia sa pagtiro sa ulo, tiyan kag iban pa nga bahin sang lawas kabangdanan sang iya kamatayon antes magdangat sa Toboso Rural Health Unit.
Ang mga suspek naman amo ang mag-utod nga Joelito Bayawa Maro, 42, kag Allan, 47. Nalagyo sila matapos ang pagtiro apang makaligad ang pila ka oras, nagsungka man si Joelito sa mga pulis.
Sunu sa imbestigasyon sang pulis, may nagahingalan kay “Isko,” hinablos sang duha ka suspek, ang nagapalagaw istorya nga ang asawa ni Joelito kag ang biktima may yara relasyon.
Bangod sini, ginkadtoan ni Laurente ang suspek agud klarohon kontani ang istorya nga indi matuod kag kutso-kutso lamang.
Sadto naman nga tion, yara sa balay ni Joelito si Benjamin Agraviador nga nagabulig alungay kay Joelito nga magpatawhay. Pero nagdugang pa sang kalain sang buot ni Joelito ang natabo sadtong Okt. 24 nga pagharas ni Laurente sa iya.
Gani nga pagsampot ni Laurente sa balay ni Joelito nga yara man ang iya magulang nga si Allan, sinumbag sini ang biktima kag dala tiro diri./PB
[/av_textblock]
[/av_one_full]
