[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintiro-patay sa Calatrava’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Wednesday, March 29, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang tumandok sang Syudad sang San Carlos sang gintiro sa Sitio Ipil-Ipil, Barangay Buenavista, Calatrava, Negros Occidental sang kaagahon sang Lunes.
Ginkilala ni Chief Inspector John Jole Batusbatusan, hepe sang Calatrava PNP, ang biktima nga si Eric Cobero, 37, may asawa. Madamo ini sang naagom nga mga pilas sa likod gikan sa wala pa mahibaluan nga kalibre sang pusil.
Sunu sa imbestigasyon sang pulis, wala makilala ang suspek nga nagsaka sa ginarentahan nga balay sang biktima.
Nahibaluan pa gikan sa kapulisan nga ikatatlo na ini nga insidente sa Calatrava kag nagluntad sa nabukid nga mga barangay.
Sang Marso 23, gintiro man si Gronillo Aguirre Pabalate, 35, samtang nagatambong sa birthday party sa Brgy. Winaswasan. Ang suspek iya man lamang pariente nga si Jolito Anunsawun Labrador, 39, nga gilayon nalagyo.
Pagka-Marso 25, gintiro-patay man si Dominador Jabaybay, 58, sang Brgy. Mina-utok, samtang nagalakat sa Sitio Pison sa amo nga barangay, sang wala makilala nga mga suspek./PB
[/av_textblock]
[/av_one_full]
