[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintiro sang riding-in-tandem sa Oton ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala gid makabatyag sang katahap ang riding-in-tandem matapos nga nag-atake na naman sila paagi sa pagtiro-patay sa 64-anyos nga lalaki sa Florvel Subdivision, Barangay Buray, Oton, Iloilo alas-9:45 sang aga kahapon.
Ginbawian sang kabuhi samtang ginabulong sa The Medical City ang biktima nga si Antonio “Tony” Borbon Sr., residente sang Dalan Compania, Molo apang naga-istar man sa balay sang iya live-in partner nga si Elna Serrato sa Florvel Subdivision.
Nakaagom ang biktima nga retirado nga sikyu sang bangko sang mga pilas sa butkon, dughan kag ulo.
Base sa imbestigasyon sang Oton PNP, samtang nagapungko sanday Borbon kag Serrato sa gwa sang balay, gulpiyada nga gintiro sang wala nakilal-an nga suspek nga nagasuksok sang green nga jacket ang biktima gamit ang .45 caliber firearm.
“Bale nagapungko na da sila nga duha tapos wala man komprontasyon (ang suspect kag biktima) tapos gintiro,” eskplikar ni PO2 Argie Salafraña sang Oton PNP.
Ginapatihan nga nagatindog na nga daan ang gunman sa gwa sang kudal sang gintiro si Borbon rason nga wala gid makapanginlaman ang naulihi.
Nagpalagyo man dayon ang suspek padulong sa nagahulat nga motorsiklo nga ginamaneho sang isa pa ka persona.
“The color of motorcycle was either green or red and the driver was wearing a black jacket,” dugang ni Salafraña.
Posible man nga may labot ang krimen sa pa-utang nga negosyo sang biktima ukon sa relasyon sini kay Serrato, sunu sa Oton PNP.
Lakip sa narekober sang Scene of the Crime Operatives sa ginluntaran sang krimen amo ang lima ka mga basiyo sang .45 caliber firearm samtang narekober naman sa distrito sang Arevalo ang motor nga gingamit sang mga suspek sa pagpalagyo.
Samtang ginasulat ining balita, padayun pa ang imbestigaston sang kapulisan sa motibo sa pagtiro sang mga suspek sa biktima. Hinyuon man sang Oton PNP sa barangay ang kopya sang kuha sang closed-circuit television camera para mapadasig ang pagsolbar sa krimen./PB
[/av_textblock]
[/av_one_full]
