[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nagabaligya shabu sa kasilyas’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Wednesday, January 11, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Pinasahi ining ginapasuni nagabaligya sang shabu sa Syudad sang Victorias, Negros Occidental bangod sa sulod sang kasilyas sang Victorias City Commercial Center ang napili niya nga puesto.
Pero sang Lunes, wala na nakaluwas pa ang suspek matapos nga nadakpan ini sang mga otoridad mga ala-una ang takna sa hapon.
Ginkilala ni Supt. Herman Garbosa, hepe sang Victorias City PNP, ang suspek nga si Arsenio Aringo, 21, kag taga-Relocation Site sa Barangay 21 sang amo man nga syudad.
Pila man ka adlaw nga paniktik sang mga otoridad sa suspek tubtob gindakop ini sang nagapakuno-kuno nga pulis nga amo ang nagbakal sa iya sang ginapasuni shabu.
Nakumpiskar sa suspek ang apat tanan ka gagmay nga pinutos sa plastik sang ginapasuni shabu lakip ang buy-bust item kabaylo sang kantidad nga P300 nga narekober man sang mga otoridad.
Nakuha pa gid sa iya ang P200 nga kwarta kag cellphone nga iya ginagamit sa pagkontak sa iya ginabaligyaan.
Priso na subong ang suspek sa custodial jail sang Victorias City PNP agud mangatubang sang kaso nga paglapas sa RA 9165./PB
[/av_textblock]
[/av_one_full]
