[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nasal-an asawa kasakay sa dyep nga babae’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Thursday, February 23, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Masami lang ginadapu-an sang kapung-aw ang dughan ni Rex Bacia, 29, sang probinsya sang Capiz. Ginbayaan sia abi sang iya pinalangga nga asawa nga si Jonna.
Nagalibog ang iya ulo kag nagakabalaka kon ano na ayhan ang nagakatabo sa iya nga Jonna. Bangod sini nakahuman sia sang desisyon. “Pangitaon ko ang akon Jonna,” siling ni Bacia sa iya kaugalingon.
Nagbiyahe padulong sa Syudad sang Iloilo si Bacia agud magpasimpalad, basi makita pa man niya ang pinalangga nga asawa. Pag-abot sa syudad, nagsakay sia sa Mandurriao nga dyep, nagpasimpalad basi masiplatan ang iya pinalangga. Sang hinali lang nagkuba-kuba ang iya dughan! May babae sia nga kasakay nga daw si Jonna gid niya ang itsura.
“Dyos ko, si Jonna gid bala ang akon nakita? Sia bala ini?” ang hutik niya sa iya kaugalingon.
Sang hinali lang…
“Sa lugar lang!” siling sang babae nga sang ulihi nakilala nga si Rhodora, 39, sang Oñate-De Leon, Mandurriao.
Maabtik nga nagsiling man si Bacia, “Jonna, asawa ko! Ikaw gd si Jonna. Nalipat ka na sa akon? Ako si Rex, ang imo bana.”
Nakibot si Rhodora sa iya nabati-an! “Sin-o ka imo ya? Indi ako si Jonna. Indi mo ko ya asawa,” dungan wakli sang kamot ni Rex nga naga-uyat sa iya.
Bangod indi magpahawid, ginpugos ni Bacia si Rhodora kag nagdinumogay sila. Sang nagtawhay ang tanan, nasamaran si Rhodora gani priso naman si Bacia sa karsel sang Police Precinct 1.
Sa interbyu naman kay Bacia, indi man sia maghatag pa sang detalye kon sang san-o naglakat ang iya asawa. Pahayag lang niya nga panulokan niya si Jonna gid si Rhodora./PB
[/av_textblock]
[/av_one_full]
