[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI NASAPWAN PATAY SA DALAN ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Tuesday, April 25, 2017
[/av_textblock]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan ang lalaki nga nagahuray-ad sa higad sang dalan sa Barangay Pedada, banwa sang Ajuy, Iloilo takna alas-5:30 sang kaagahon kahapon.
Dead-on-arrival sa Barotac Viejo District Hospital ang biktima nga nakilala nga si Jay Barabona y Dumayas, 50, kasado kag residente sang Brgy. Pedada, Ajuy, Iloilo. Nakaagom ini sang patal nga mga pilas sa magtimbang nga dughan nga naglapus sa likod sang iya ulo kag tuo nga tiyan.
Base sa impormasyon nga ginhatag sa Panay Balita ni Chief Inspector Charlie Sustento, hepe sang Ajuy Municipal Police Station (MPS), nabatian ni Mary Grace Baldeo ang asud-asod nga mga lupok sa Sitio Punta, Brgy. Pedada, Ajuy mga alas-4:30 sang kaagahon.
Kag sang ulihi nasapwan sang kapitan sang barangay nga si Melquiades Ordena Jr. ang nagahuray-ad nga bangkay ni Barabona.
Sandig naman sa imbestigasyon sang kapulisan, nagasakay ang biktima sa iya Rusi 1500 nga motorsiklo kag nagapauli na sa ila balay matapos nga nagtambong sang kapistahan sang Brgy. Luca, Ajuy, sang ginbanggaan nanday Ramonito Dela Vega Jr. alyas “Onyok,” 34, kasado, kag Rene Dela Vega alyas “Botbot,” 28, kasado kag lunsay mga residente sang Brgy. Pedada, Ajuy.
Ginyudyod dayon sang mga suspek ang biktima gikan sa iya motorsiklo kag gintiro gamit ang ginapatihan .9mm caliber pistol.
Tapos sini, nagpalagyo ang mga suspek pero sa follow-up operation sang Ajuy MPS, nadakpan nila alas-11:45 sang aga kahapon mismo sa Brgy. Pedada si Ramonito samtang padayun naman nga at-large si Rene.
Away sa duta kag pagtimalos naman ang ginatan-aw sang Ajuy PNP nga motibo sa krimen./PB
[/av_textblock]
[/av_one_full]
