[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Lalaki nasapwan patay sa Syudad sang Bago ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – May pilas tuga sang pagtiro ang bangkay sang lalaki nga nasapwan ala-una sang kaagahon kahapon sa Purok Mainuswagon, Barangay Atipuluan sa Syudad sang Bago, Negros Occidental.
Ang biktima nakilal-an kay Jilbert Sales Quiapo, 30, may asawa kag naga-istar sa Purok Dahlia, Brgy. Abuanan sang amo nga syudad.
Sunu kay Senior Inspector Hercules Trique, deputy chief sang Bago City PNP, nakita sang pila ka mga residente ang dugoon nga bangkay nga nagaluhod samtang ang iya mga kamot kag nawong nagahalok sa duta.
Pahayag naman sang asawa sang biktima, nag-gwa ang iya bana mga alas-otso sang Miyerkoles sang gab-i agud magbakal sang ilimnon bangod naga-inom ini upod ang iya utod.
Mation-tionan, nakabati ang asawa sang asod-asod nga mga lupok apang wala niya ini ginsapak. Sang ulihi natingala sia nga wala makapauli ang iya bana.
Sandig naman sa imbestigasyon sang kapulisan, narekober sa eksena ang duha ka basiyo sang kalibre .45 nga pusil./PB
[/av_textblock]
[/av_one_full]
