[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MADUGOON NGA DISPERAS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Tuesday, February 21, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Bangod sang kahulogbon, tatlo ka mga lalaki ang ginbawian sang kabuhi matapos nga ginbunu kag gintiro kadungan sang disperas sang kapistahan sa Sitio Baron, Barangay Jelicuon Montinola, Cabatuan, Iloilo ala-1:20 sang kaagahon kahapon.
Gindeklarar nga dead-on-arrival sa Ramon Tabiana Memorial District Hospital sa Cabatuan ang biktima nga si Roger Someros y Garelba, 32, soltero, residente sang Brgy. Jelicuon Montinola, bangod sang pilas sa wala nga dughan, tiyan kag likod.
Ginbawian man sang kabuhi alas-2:40 sang kaagahon sa kasubong nga ospital si Roger Ebarle y Caballero, 43, kasado kag residente sang Brgy. Janipaan Central, Cabatuan, matapos nga nakaagom sang mga pilas sa ulo kag dughan.
Pag-abot sang alas-otso sang aga kahapon, napatay man sa Iloilo Mission Hospital si Juan Baron Jr., 43, residente sang Brgy. Jelicuon Montinola, bangod sang mga pilas sa wala nga bahin sang lawas kag tuo nga tiil.
Sa interbyu sang Panay Balita kay Chief Inspector Engilbert Banquillo, hepe sang Cabatuan Police Station, nagluntad ang madugoon nga krimen sa gwa sang baylehan sang Sitio Baron.
Una man nga nag-inom-inom si Someros sa isa ka balaligyaan sa gwa sang baylehan pero sang nahubog, nagpadulong sia sa tabuk sang dalan kon sa diin nakaparada ang iya motorsiklo kag nagpangihi.
Makaligad ang pila ka ginutlo, gulpi lang sia nga nagpalupok sang pusil rason nga nagtambag ang isa ka barangay kagawad.
Sang nakit-an naman sang magpakaisa nga Ebarle kag Baron ang natabo, nagpalapit si Ebarle sa duha para kontani nga magsaway. Pero posible nga nasal-an nga malain ni Someros ang akto ni Ebarle rason nga nagluntad ang komosyon kag nagdumogay sila.
Diri naman dayon kag nagpalapit si Baron kag nagbulig tambag pero gulpi lamang nga naglanog ang asud-asod nga mga lupok.
Sang nagpuas ang linupok, nasapwan nga nagahuray-ad na sa duta ang tatlo nga ginhingagaw pa kontani dala sa ospital apang dimalas gid nga napatay.
“Right after sang palagwaon, si Someros nag-meet sa kapitan sa gwa sang baylehan pero may puesto sang ilimnan ukon kayang-kayang, nakahapit sia didto kag naka-inom, minute later nagtabok sia sa pihak nga dalan sa diin naka-parking ang iya motor para mangihi kag right after nagpangihi, nagpalupok. So, ang kagawad nga ara ang presence nag-pacify. Ang magpakaisa nga sanday Ebarle kag Baron halin sa ila balay kag nataboan nga nagkadto sila kag magpungko sa puestohan ukon gin-imnan ni Someros. Right after si Ebarle nagkadto kay Someros kay kilalahay sila. I don’t know kon ano purpose ya, either ma-pacify or mabulig sa kagawad. So, ang iya aksyon na misinterpret ni Someros rason nga gintiklod ni Someros si Ebarle nga natumba gid sa dalan,” eksplikar ni Banquillo.
Dugang pa sang hepe, “Pagtindog ni Ebarle, nag-start ang commotion. Si Baron naman pagkita ya nga may natabo sa pakaisa ya nga si Ebarle, nagbulig man sia. Anum dayon ka lupok ang nabatian sunod-sunod. Amo ang mga tawo sa palibot nagpalagyo na the same sa kagawad kag mga witness. And then, nakita na nila nga nagahamyang na ang tatlo.”
Narekober naman sang kapulisan sa ginluntaran sang krimen ang madamo nga empty shells kag mga bala sang kalibre .45 nga armas, patalom kag tagub sang isa pa ka patalom.
Sa teorya ni Banquillo, posible nga duha ka persona ang nagbunu kay Someros bangod sang iya mga samad sa lawas.
Nadiskubrehan man nga may hiligut-anon sa tunga nanday Someros kag Baron bangod nga sang damlag lang ginsumbag ni Baron ang nauna.
Bangod naman sa krimen, ginmando ni Mayor Ronilo Caspe sang Cabatuan nga kanselahon ang binayle kagab-i sa Sitio Baron para malikawana ang dugang nga tensyon sa nadalahig nga mga pamilya./PB
[/av_textblock]
[/av_one_full]
