[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Madugoon nga ‘love triangle’ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 30, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Bangod sa ginapasuni “love triangle,” gintiro, ginbunu kag ginlabu tubtob mapatay ang obrero mga alas-11:20 sa gab-i sang Domingo sa Hacienda San Juan Yusay, Barangay Dos Hermanas sa Syudad sang Talisay, Negros Occidental.
Ginkilala ni Superintendent Adonis Rosales, hepe sang Talisay City PNP, ang biktima nga si Marlon Janeo Gozon, 43, may asawa kag taga-Brgy. Pandanon, Don Salvador Benedicto.
Nakaagom ini sang mga pilas sa liog kag dughan tuga sang pagtiro, bunu sa likod kag labu sa wala nga dulonggan. Ginhingagaw pa ini dala sa Talisay City Health Office apang ginbawian sang kabuhi antes pa mabulong ni Dr. Belnas Eslava.
Samtang ang suspek naman nakilala nga si Sonny Boy Gregorio, 41, may asawa kag kasimaryo sang biktima.
Sunu sa imbestigasyon sang mga pulis, ang asawa sang suspek nga si Erly, 31, ang ginapasuni gina-kerida sang biktima. Rason nga nagtanom sang kaakig kag dumot ang suspek sa biktima.
Ginapahayag pa nga naglambotanay gid ang duha sang nag-obra sila sa Hacienda San Juan Yusay.
Narekober naman sang mga pulis sa eksena sang krimen ang 20 pulgada nga binangon kag duha ka basiyo sang kalibre .38 nga pusil.
Samtang ginasulat ini nga balita, padayun pa ang pag-usisa sang mga pulis sa krimen kag pag-ayam sa suspek./PB
[/av_textblock]
[/av_one_full]
