[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Mag-amay ginpanglabu sa La Castellana ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang amay kag duha niya ka bata samtang pilason ang iya live-in partner kag isa pa gid ka bata sang ginpanglabu sila sa Sitio Cambugnay, Brgy. Cabacungan sa banwa sang La Castellana, Negros Occidental mga alas-10 sa aga sang Domingo.
Sunu kay Chief Inspector Irma Toexon, officer-in-charge sang La Castellana PNP, nakaangkon sang madamo nga pilas sa lawas kag napatay gilayon ang amay nga si Luis Solis, 39, kag mga bata niya nga sanday Marcelino Solis, 11, kag Lady Loisa Solis, 6.
Nakilala naman ang nagkalapilasan nga amo si Jennifer Caratayco, 27, kag 13 anyos nga bata.
Samtang ang suspek naman nga si Richard Solis Paquera, 23, may asawa kag naga-istar sa Purok 4, Brgy. Cabacungan, nagsungka sa mga opisyales sang barangay matapos ang krimen.
Daku man ang paghinulsol sang suspek nga priso na karon sa La Castellana PNP sa natabo nga sunu sa iya indi niya tuyo nga patyon ang iya pakaisa.
Sandig sa imbestigasyon sang La Castellana PNP, halin sa Brgy. Cabacungan proper ang biktima sang nasugata niya ang suspek kag sa wala sang ano nga rason, ginlabu sia sang naulihi sang espading.
Napilasan ang biktima apang nakadalagan pa pauli sa iya balay pero ginsunod sia sang suspek kag liwat ginlabu. Ang mga kabataan nga yara sadto nga tion ginlabu man sang suspek samtang nagasinggit sang tabang si Jennifer kag isa pa ka bata nga ginlabu pa gid sang suspek.
Konplikto sa duta kag madugay na nga pagdumot sang suspek sa biktima ang ginalantaw nga motibo sang krimen, sunu sa La Castellana PNP./PB
[/av_textblock]
[/av_one_full]
