[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAG-ASAWA GINBUNU-PATAY SA OTON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian gid sang kabuhi ang mag-asawa nga ginpangbunu sang suspek nga nagasuprer sang nerbyos sa Barangay Cabolo-an Norte, Oton, Iloilo pasado alas-10 sang aga kahapon.
Dead-on-arrival sa Western Visayas Medical Center sa sining syudad ang mag-asawa nga Woodrow Bechayda y Arive, 49, kag Jonita Bechayda y Prologo, 47, bangod sang naagom nila nga patal nga mga pilas sa lawas.
Na-ilu naman ang tatlo ka mga bata sang mag-asawa nga sanday Jomar, 21, Jonalyn, 18, kag Joshua, 11.
Ang ginatudlo naman nga suspek amo si Reno Casaria y Palermo, 30.
Sa imbestigasyon ni Senior Inspector Rey Pabalan, hepe sang Oton Police Station, nagabarikutot kag dugoon sa tangkal sang nasapwan sang ila mga bata kag kasilingan ang mag-asawa.
“Base sa investigation wala man sang nabatian ang mga tupad balay nila nga pagbaisay. Bale nagapaligo pa ang asawa sang ginsulod sang suspek,” hambal ni Pabalan.
Natukiban man sang hepe nga may daan nga hiligut-anon ang magtimbang nga bahin rason posible sang krimen.
“Nag-conduct kami sang investigation sa area base sa information nga na-gather namon. May grudges na ina ang mga pamilya sang biktima kag sang suspek kay ti tuparay man sila nga balay. Magbilas ni sila kay mag-utod ang ila asawa. Dugay na sila nga not in good terms,” dugang ni Pabalan.
Antes ang krimen, gina-alegar man nga gin-abot sang nerbyos ang suspek rason nga nagsulod ini sa balay sang mag-asawa kag basta na lang nagpangbunu.
Sa interbyu naman sang Panay Balita sa bata sang mag-asawa nga si Jomar, nabatian na lang sini nga nagasinggitan ang ila iloy samtang yara sia sa gwa nga nagakuti sang iya motorsiklo.
“Kagina gapanglaba kami ni mama dason pagtapos panglaba, nag-abot si papa ko halin sa biyahe. Nagsugo kanakon mainit pagkatapos to nagpungko, naghigda kag mati sang radyo. Si mama nagaparigos sa banyo. Amo to nagpanaw ako sa gwa kay tan-aw ko motor. Burobhay may batian ako singgitan nga tabang. Dalagan ako pasulod diri. Abtan ko lang si mama kag papa ko nga patay na,” panaysayon ni Jomar.
Nakit-an man ni Jomar nga lunsay sa likod kag dughan ang mga pilas sang iya mga ginikanan.
“Kay mama laban sa likod, sa kilid, kag sa dughan kag kay papa laban sa likod man,” dugang ni Jomar.
Gintuad pa sini nga sadtong Sabado nag-away ang iya iloy kag tiya nga asawa sang suspek bangod sang matunog nga pagpatukar sang mga ini sang sound system.
“Nag-away man lang ang tiya ko (asawa sang suspek) kag si mama sang Sabado. Pero mag-utod man lang sila. Ang ginba-isan nila sound nga dulom pa nagapatukar sila day tita. Ginsaway ni mama nga dulom pa, nagapahuway ang tawo,” dugang ni Jomar.
Nagpalagyo man dayon ang suspek bitbit ang patalom padulong sa katalunan sang Brgy. Cabolo-an Norte apang natigayon ini nga nadakpan sa syudad kahapon sang hapon.
Kag samtang ginasulat ining balita, ginapreparar na sang Oton Police Station ang kaso nga double murder kontra sa suspek./PB
[/av_textblock]
[/av_one_full]
