[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MAG-UTOD GINPANGTIRO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Lunsay pilason ang mag-utod matapos nga ginpangtiro sang isa ka suspek nga nalabu-an naman sa Barangay Calaigang, San Rafael, Iloilo alas-10:30 sang gab-i sang Martes.
Gindala sa Barotac Viejo District Hospital ang isa sa mag-utod nga si Rommel Babercho y Tecson, 36, nga may pilas sa wala nga tuhod samtang wala naman nagpabulong ang manghod sini nga si Roper Barbecho, 32, nga may pilas sa tuo nga abaga.
Sa interbyu sang Panay Balita kay Inspector Ruben Perra, hepe sang San Rafael Municipal Police Station (MPS), ginsulong sang suspek nga si Ariel Arros, 53, ang mag-utod nga Babercho matapos nga nakabaton sang text message halin sa mga sakada nga ginapakalain ini sang mag-utod.
Samtang nagalakat ang suspek, iya nga nasumalang ang mag-utod rason nga iya ginkompronta nga naglab-ot sa paglamposanay nila sang kawayan.
Diri na kag napilitan ang suspek nga mag-gabot sang .38 caliber pistol kag ginpangtiro ang mag-utod nga wala gid nakapanginlaman.
Sang nakita naman ni Roy Babercho, magulang sang mag-utod, ang komosyon, nagkuha ini sang espading kag ginlabu ang suspek nga ginabulong karon sa Don Jose S. Monfort Medical Center sa Barotac Nuevo.
“As alleged sang mga pamilya nila man, si Arros daw amo na ang in-charge sang tubo. So, ining mga sakada nga taga-Guimaras daw ginapakalain sang mag-utod nga Barbecho. So, nagsugid ining mga sakada kay Arros. Diri nagkadto si Arros kaupod sang iya mga bata sa balay sang mga Barbecho. So, nagsugat-anay gid ini sila sang tatlo man ka mag-ulutod nga Barbecho. Pagsugata sa tunga-tunga sang ila mga balay lapit sa kampo, nagsita-anay sila tapos nagkadto sa lamposanay. Then, tiniro ni Arros ang mag-utod. Pagkakita ni Roy, ginlabu ya espading ang tuo nga kamot ni Arros,” eksplikar ni Perra.
Natigayon man nga madakpan sanday Arros kag Roy B. sang nagresponder nga mga katapo sang San Rafael MPS.
Samtang ginasulat ining balita, ginahulat pa sang San Rafael MPS ang desisyon sang magtimbang nga bahin kon bala mapasaka sila sang kaso sa isa kag isa./PB
[/av_textblock]
[/av_one_full]
