[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mag-utod nga gin-abduct sa Btac Viejo, ginhilway ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=’18’ font_color=” color=”]
Syudad sang ILOILO – Ginhilway sang tatlo ka armado nga mga suspek ang mag-utod nga ila gin-abduct sa Barangay San Lucas, Barotac Viejo, Iloilo takna alas-5:30 sang hapon sang Huwebes.
Pasado ala-una sang kaagahon kahapon, nagkadto sa istasyon sang Barotac Viejo PNP ang mag-utod nga sanday alyas Noynoy, 20, kag alyas John-John, 15, matapos nga ginbuy-an sila sang mga suspek sa nabukid nga porsyon sang Sitio Bangun Bangun, Brgy. Vista Alegre, Barotac Viejo.
Nahibaluan nga hinali lang nagsulod sa ila balay ang tatlo ka mga suspek nga lunsay may tabon sa mga nawong. Gintayaan sang mga sang pusil ang mag-utod lakip na ang ila lola kag anum ka tuig nga manghod kadungan sang pagpamangkot kon sa diin ang ila iloy kag amay.
Sa kakulba, nagsabat ang mag-utod nga yara pa sa trabaho ang ila amay rason nga ginpang-ukay sang mga suspek ang ila balay kasubong nga may ginapangita
Sang nakit-an naman sang iloy ang mga suspek sa ila balay, madasig ini nga nagdalagan padulong sa karsada para magpangayo sang bulig pero sa iya pagbalik wala na ang iya duha ka bata. Naabtan lang sini ang nagahilibion nga bata nga babaye kag ang iya tigulang nga iloy.
Sa interbyu sang mga katapo sang media sa mag-utod, siling nila nga diutayan lang sila maabtan sang mga pulis nga nagapangita sa ila pero ginatayaan sila sang pusil sang mga suspek kadungan sang pagmando nga magkuob para indi makita
“Ginapalakat lang kami, kon may makita nga pulis ginapakuob kami. Tapos lakat naman kon wala sila,” panaysayon ni Nonoy.
Pag-abot sa Sitio Bangun Bangun, ginhambalan sila sang mga suspek nga magpauli na lang bangod nga delikado kon magtulog sila sa tunga sang katalunan. Sunu pa sa ila nga ginpamangkot anay sila sang mga suspek kon natultolan nila ang lakturan padulong sa banwa sang San Rafael pero nagsabat si Nonoy nga wala sila makatultol.
Gintuad man sang 20-anyos nga samtang nagalakat sila kaupod ang mga suspek, gina-usisa sila kon may nabal-an sila angut sa gina-alegar pagpatay sang ila amay sa isa ka persona sa Barotac Viejo.
Depensa naman sang amay sang mag-utod nga wala sia nakapatay sa nasambit nga persona kundi nasal-an ukon ginpasibangdan lang sia.
Samtang, nagapati si Chief Inspector Joven Arevalo, hepe sang Barotac Viejo PNP, nga indi organisado nga grupo ang mga nag-abduct sa mag-utod bangod nga daw nakulbaan pa ang mga ini sandig man sa panaysayon sang mag-utod.
Samtang ginasulat ini nga balita, may yara na sang person of interest ang Barotac Viejo PNP kon sa diin ginasundan nila nga anggulo amo ang ginadalahigan nga kaso sang amay sang mag-utod./PB
[/av_textblock]
[/av_one_full]
