[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Malones, duha-duha sa pagsaylo sa PDP-Laban’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 12, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Kasado na ang pagsumpa sang mga alkalde sa tercier distrito sang probinsya sang Iloilo upod ang mag-amay nga Defensor para magsaylo sa Partido Demokratiko Pilipino-Lakas ng Bayan (PDP-Laban) luwas gid lang sa isa ka alkalde.
Sunu kay Gob. Arthur Defensor Sr., sigurado na ang pagsumpa niya kag mga bata niya nga sanday Cong. Arthur Defensor Jr. kag Board Member Lorenz Defensor sa PDP-Laban kaupod nanday Mayor Serafin S. Villa, Jr. sang Badiangan; Mayor Mark P. Palabrica sang Bingawan; Mayor Ronilo Caspe sang Cabatuan; Mayor Alex Centena sang Calinog; Mayor Jason Gonzales sang Lambunao; Mayor Jojo De Paula sang Janiuay; Mayor Rey Grabato sang Mina; kag Mayor Tomas Penaflorida sang Pototan lakip na ang ila mga bise-alkalde, Sangguniang Bayan members, barangay kapitanes kag kagawad.
Pero ginsugid ni Defensor nga indi pa sigurado ang alkalde sang Maasin nga si Mayor Mariano Malones sa pagsaylo sa PDP-Laban matapos nga naghambal lang ini nga manawag lang kon mag-upod gid man sa pagsumpa sa partido sa Enero 18 sa covered gym sang Pototan.
“Indi ako kasigurado sang banwa sang Maasin. Ang sigurado ko ya ang walo ka mga mayor,” siling sang gobernador.
Pero una na nga ginhambal ni Malones sa mga katapo sang media sadto nga posible magapahuway na sia sa politika tungod matakop naman ang iya termino sa 2019.
Sa pihak nga bahin, ginsapol ni Defensor ang mga alkalde sang tercier distrito sang Martes sa kapitolyo probinsyal para istoryahan ang preparasyon sa ila pagsumpa nga dumalahan ni House Speaker Pantaleon Alvarez, ang secretary general sang PDP-Laban.
Antes naman ang pagsumpa sa Enero 18, magahiwat anay sang lecture angut sa federalismo ang PDP-Laban para mapahangop sa kapin 4,000 ka mga lideres sa tercier distrito ang ginaduso nga federalism government sang administrasyon ni Presidente Rodrigo Duterte.
Matandaan nga ang rason sa pagbiya ni Defensor sa partido Liberal pakadto sa PDP-Laban amo ang kahangawa nga maapektohan ang mga programa nga ihatag sang gobyerno nasyonal sa mga kabanwahanan subongman ang palaabuton nga eleksyon sa 2019 kon sa diin handa nga magpapili bilang gobernador si Cong. Defensor
“Ang pagsulod ko sa PDP-Laban mabug-at man sa buot ko. I’m not use to shifting from one party to other. Ugaling kapila ako napasugoan kon puede ako magsaylo. And I reach the point nga kon indi ako magsaylo nali maapektohan ang ginpaabot nga bulig kag suporta sang gobyerno nasyonal sa mga kabanwahanan,” hambal sadto sang gobernador./PB
[/av_textblock]
[/av_one_full]