[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mangingisda gintiro-patay sa Negros ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Ginbawian sang kabuhi matapos nga gintiro ang isa ka mangingisda sa Brgy. Bulado, Syudad sang Guihulngan, Negros Oriental mga alas-10:30 sadtong Martes sang gab-i.
Sunu sa imbestigasyon sang mga pulis, anum ka wala makilala nga mga suspek ang nagkadto sa balay sang biktima nga si Alberto Tecson alyas Leboy Tecson, 49, may asawa, sa tuyo nga mag-arkila sang iya pumpboat.
Pero sa pagbukas sang biktima sang puertahan, gilayon sia gintiro sang isa sa mga suspek. Nagtinguha pa sia nga magdalagan sa gwa sang ila balay apang nakadasma kag didto pa gid sia gintiro sang pila ka beses sang mga suspek.
Pahayag pa sang kapulisan nga gilayon nga naglakat ang lima ka mga suspek sa higad sang dagat padulong sa norte nga bahin sang syudad, samtang ang isa nagsakay sa motorsiklo kag nalagyo.
Sa pagrespondet naman sang mga pulis sa pagpamuno ni SPO1 Benjamin Bandico, narekober nila sa lugar ang tatlo ka mga basiyo sang .45 kalibre nga pusil kag isa ka wala pa ka lupok nga bala.
Sa karon, gina-usisa pa sang Guihulngaan City PNP ang krimen agud mahibaluan ang rason sa pagtiro sa biktima kag agud man makilala ang mga suspek./PB
[/av_textblock]
[/av_one_full]
