[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
KAHAPON pareho nga nagtipon para sa rally ang mga pro- kag anti-Duterte. Bitbit nila ang mga panindugan sang ila grupo nga sa panan-awan nila makapaayo sa pungsod. Tanan sila husto kun pamati-an lang.
Pero ano gid man bala ang gusto sang mga nagahipos lang? Ina ang wala natun nahibaluan bangud ara lang sila nagabantay sa higad-higad.
Isa sa nakakuha sang akun attention ang mga grupo nga nagaduso sang revolutionary government. Hinali lang sila nagtuhaw sang ginhambal ni President Rodrigo Duterte nga ginapaminsar niya nga magdeklarar sang “RevGov” kun may pamahaog nga pukanon ang gobyerno kag agud masolbar ang problema sa korapsyon.
Diri sa syudad sang Iloilo iban sini sa ila kilala man sa sosyodad. Ang iban sa ila prominente nga tawo. Nagatuon man bala sila kun ano ang RevGov? Indi bala sa simple nga pulong ini ang gobyerno nga ginatukod matapos mapukan ang rehimen sang nagapungko nga presidente? The kay si Duterte ang nagapungko bilang presidente, paano sia makadeklarar sang RevGov? Kunsabagay kun gustohon may pamaagi gid.
Ini sila nga grupo sigurado ako wala gintukod sang presidente ukon Malacañang. Ini nga grupo gintukod sang may mga interes sa gobyerno. Gusto man nga matalupangdan ni Duterte kay basi bala makaposisyon man. Maathag ini sa mga nagsiling nga volunteer sa kampanya ni Digong nga subong may pwesto na. Ang iban sa ila ginhimuan na lang sang posisyon agud maakomodar. Sa simple nga pulong, personal nga interes ang nagaduso sa ila.
Makapila na ka beses nga ginsiling ni Presidential Spokesman Harry Roque nga wala ginaduso sang Malacañang ang RevGov. Pero ngaa bala nga ang iban sige gid ang singgitan sang revolutionary government?
Ina bangud may interes man sila nga ila. Kaangay man bala sa nagaduso sang federalism nga pila man sila ka grupo. Ngaa indi sila makahugpong? Ngaa kinahanglan nila nga magbinahinbahin kun isa man lang ka kawsa ang ila ginaduso? Balik kita sa sugilanon sang personal nga interes.
Ang nagapaggamo pirme ang mga masabad nga supporters sang isa ka lider. Ok lang ang mga matarong apang ang mga lipong kag bulag nga sumalakdag amo ang makatalagam.
Abi, sa mga masabad nga supporters, pagpahigad kamo. (jpranco1975@gmail.com)/PN
[/av_textblock]
[/av_one_full]
