[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Masobra 200 ka mga pulis ipalapta para sa Paraw Regatta’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 16, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Masobra 200 ka mga pulis ang ipalapta sang Iloilo City Police Office kag Arevalo Police Station sa baybayon sang Villa sa distrito sang Arevalo diri umpisa subong angut sa highlight sang Iloilo Paraw Regatta Festival 2018 nga may tema “Unity Amidst the Waves of Change” sa Sabado nga adlaw.
Sunu kay Senior Insp. Mary Grace Socorro-Borio, hepe sang Arevalo Police Station, mapalapta sila sang masobra 200 ka mga pulis sa Joe Garden, Tatoy’s Manokan kag Breakthrough nga masami ginadagsa sang mga tawo kada Paraw.
“Bale kami sa amon station I have to deploy 43 and plus augmentation namon nga 176 and other force multiplies, mga more than 200 policemen. Ang focus tatlo ka area, ang Breakthrough, ang Joe garden kag Tatoys Manokan,” siling ni Borio.
Kasubong sang ginpatuman nga seguridad sa Dinagyang Festival, ang Arevalo Police Station mapatuman man sang major event security framework kon sa diin mabulig ang iban nga mga ahensya sang gobyerno para mangin madinalag-on ang kahiwatan.
“The same with what we did during the Dinagyang Festival. So, ang preparation kumbaga gin-adopt namon sa Major Event Security Framework. First time ni sia matabu nga ang amon security package is major event security framework. Bale kumbaga, inter-agency coordination with other agencies like PCG, BFP, DOT, and TMTRO,” dugang ni Borio.
Bangod sini, nagpanugyan ang hepe sa publiko nga magadagsa sa Arevalo ilabi na sa Villa nga indi magdala sang mga hinganiban, armas ukon ano pa nga ginadumili para indi mapriso.
Gin-athag man ni Borio nga ipatuman gihapon nila ang curfew for minors bangod nga wala man nakapapanaog sang mando ang syudad nga suspendiron ini.
Nagsugod ang mga aktibidad para sa Paraw sadtong Pebrero 5 paagi sa exhibit, miniature paraw, kag furniture making sa Guimaras.
Ginsundan sang swimsuit parade kag talent competition sang Miss Paraw Regatta sadtong Pebrero 10 kag pagka-aga ginhiwat naman sa SM City Iloilo ang festival wear competition kaupod ang miniature paraw kag photo exhibit events.
Kahapon naman, lakip sa mga aktibidad amo ang mini paraw race sa Guimaras, jet ski amazing race, bangcarera, pinta baroto, kag coronation night sang Miss Paraw Regatta.
Hiwaton naman subong nga adlaw ang pinta layag kaupod ang skim boarding, pamunit, slalom, kag Sinamba sa Regatta.
Kag ang mayor nga event sang Paraw Regatta Festival 2018 nga Palumba sa Paraw masaksihan sa Sabado lakip na ang Lighted Paraw events./PB
[/av_textblock]
[/av_one_full]