[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MOTOR VS TANKER TRUCK: 3 PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Tuesday, March 7, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang tatlo ka mga lalaki makaligad nga nakabunggo ang ila ginasakyan nga motorsiklo sa tanker truck sa atubang sang Distilleria de Bago sa Barangay Taloc, Syudad sang Bago, Negros Occidental mga alas-dos ang takna sang kaagahon kahapon.
Sunu kay Superintendent David Cachumbo Jr., hepe sang Bago City PNP, nakilala ang mga biktima nga sanday Lonie Benguelo kag magpakaisa nga Gerard kag Eljohn Inia, lunsay legal ang mga edad kag naga-istar sa Purok Putat, Brgy. Balingasag, Syudad sang Bago.
Base sa report sang pulis, nakabunggo ang motor sang mga biktima nga ginamaneho ni Benguelo sa tanker truck sang molasses nga nagaparada sa dalan.
May yara man sang early warning device kag naka-hazard ang trak nga ginamaneho ni Jessie Aguillon, 53, sang Hacienda Remedios, Brgy. Purisima, banwa sang Manapla.
Sunu naman kay Aguillon, bag-o lang sia diskarga sang molasses sa sulod sang Distilleria De Bago sang natabo ang aksidente.
Nagapati man ang mga otoridad nga naka-inom ang mga biktima.
Sa pinaka-ulihi naman nga balita, ginpahayag sang tag-iya sang tanker turck nga si Alwin Yap nga handa sila nga maghatag bulig pinansyal sa mga biktima./PB
[/av_textblock]
[/av_one_full]
