[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Saturday. September 16, 2017
[/av_textblock]
[av_textblock size=’18’ font_color=” color=”]
MASUBO nga nagakapugday na ang kinamatarong subong sa Pilipinas.
Sa subong nga panahon isa na lang ang matarong. Ang gobyerno. Kun ano man ang imo ihambal nga nagapamalabag sa direksyon sang administrasyon, sigurado mawasaag ka gid. Wala kita nakasalapo sang amo sini ka righteous nga klase sang administrasyon.
Halos na lang tanan daw madilap ukon nagadilap na sa alatrasan sang nagapungko sa Malacañang. Bisan ang mga tiglawas naton sa Kongreso, maathag nga nahadlok man sa administrasyon. Masubo kag masakit batyagon nga anom tanan ka kongresista sang Iloilo wala nakapamalabag sa paghatag sang Kongreso sang P1,000 nga budget sa Commission on Human Rights (CHR).
Ang iban may rason. Si 2nd District congressman Arcadio Gorriceta on official leave. Si 4th District congressman Ferjenel Biron naggwa antes ang botohay. Si 5th District congressman Raul Tupas wala man sa session. Si 3rd District congressman Arthur Defensor Jr. nagboto man bilang kabahin sang majority nga nagpabor sa P1,000 budget sang CHR kaupod kay Lone District congressman Jerry Treñas.
Kun ano man ang ila mga balibad, maathag nga intentional ang ila hulag agud ipakita ang pagkontra sa CHR.
Frustrating ang ginhimo sang aton mga kongresista. Labi ako nga na-frustrate kag Defensor. Nagadayaw pa naman ako sa iya kaalam. Apang daw maathag man nga timprano pa nagahanda na sya sa gubernatorial race sa 2019.
Maathag nga ang ila suporta sa hulag sang Kongreso may bendisyon sang dyos gikan sa palasyo. Kag ang ila boto sa mga ginaduso sang administrasyon klaro nga para lang sa ila kaluwasan.
Toto Defensor, I am frustrated of you. Gindugangan mo pa gid sa impeachment ni Chief Justice Maria Lourdes Sereno. Hay naglala na gid.
Panan-awan ko sa mga kongresista sang Iloilo, indi matuod nga tiglawas sang mga Ilonggo. Indi sentiment sang mga Ilonggo ang ginadala nila sa Kongreso. Halimbawa lang diri ang pagsimo-simo sang President sa Iloilo. Ni isa ka kongresista sang Iloilo wala gid nagdepensa sa imahen sang Iloilo. Nangin bungol sila kag apa.
Kunsabagay, base sige pa sila dilap sa alatrasan amo na nga wala sila nakahambal. (jpranco1975@gmail.com/PN)
[/av_textblock]
[/av_one_full]
