[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘Narco-mayors’ ginkakas sa PDP-Laban?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 2, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – “Fake news.” Ini ang reaksyon ni Gobernador Arthur Defensor Sr. sang ginpamangkot sang mga katapo sang media angut sa balita nga gina-alegar kakason sa Partido Demokratiko Pilipino (PDP) Lakas ng Bayan (Laban) ang tatlo ka mga alkalde sang probinsya sang Iloilo nga nalawagan ni Presidente Rodrigo Duterte bilang narco-politicians ukon drug protector.
Sanday Mayor Alex Centena sang Calinog, Mayor Mariano Malones sang Maasin kag Mayor Salagunting Betita sang Carles ang nalakip sa mga nalawagan ni Duterte sadtong 2017 pero lunsay man sang tatlo ginpanginwala ang alegasyon sang presidente.
Bilang pamatuod nga wala sila nadalahig sa ilegal nga droga, nakatigayon nga makasumpa sa PDP-Laban sanday Centena kag Malones sa Pototan Astrodome sa Pototan, Iloilo sadtong Enero 18, 2018.
Si House Speaker Pantaleon Alvarez nga nagaserbe nga secretary general sang PDP-Laban ang nagpamuno sa pagpasumpa sa indi magnubo 4,000 ka mga lideres kag opisyales sang tercier distrito lakip na sanday Centena kag Malones.
Matandaan nga ginhambal sadto ni Defensor sa mga katapo sang media nga wala na madala sa pinaka-ulihi nga listahan sang presidente ang tatlo ka mga alkalde rason nga mahimu na sila nga makasumpa sa PDP-Laban.
Ginhambal man ni Alvarez nga usisaon niya ang rekord kon bala nadala pa ang tatlo ka mga alkalde sa listahan sang presidente.
Dugang pa niya nga antes sia nagpasumpa sa mga ini ginhambalan niya ang tanan nga ibayaw ang kamot kon padayun pa ini sa paggamit ukon pagprotehir sang ilegal nga droga pero wala man sang nagbayaw rason nga nagapati sia nga insakto ang ginahambal sang mga alkalde nga wala sila naga-intra sa ilegal nga buhat.
Matandaan nga nagpagwa sang damlag lang sang pahayag si Senate President Koko Pimentel, presidente sang PDP-Laban, nga pahalinon niya sa PDP-Laban ang mga ginhingadlan nga narco-mayors nga nagsumpa sa partido./PB
[/av_textblock]
[/av_one_full]
