[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Negosyante gin-pistol whip sang anay bise gob?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, January 5, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nagreklamo sa kapulisan ang isa ka negosyante nga gin-pistol whip sia sang anay bise gobernador sang probinsya sang Iloilo.
Sa alegasyon ni Alfonso Saladan sang Brgy. San Jose, Arevalo, sadtong Disyembre 29, 2016 samtang nagamaneho sia sang iya Canter halin sa Leganes, Iloilo padulong sa syudad, pag-abot sa taytay sakop sang Brgy. Tacas, Jaro, gulpiyada lamang nag-overtake sa iya ang pribado nga salakyan kag nagpundo sa iya unhan.
Sunu pa sa iya nga nagpanaog ang drayber sang salakyan nga gina-alegar niya nga may bitbit nga pusil kag gulpiyada lang sia nga gin-pistol whip sa wala nga kilay.
Dugang pa sang tagreklamo nga ginkuha pa sang drayber ang iya driver’s license antes ini naglakat.
Sang ulihi, nakilala sang tagreklamo ang drayber nga si anay bise gobernador Robert “Obet” Armada.
Sang ginpakig-angutan naman sang istasyon sang radyo ang anay bise gobernador, nagpamalibad na ini sa pagkomentar kag ginhambal nga atubangon na lamang sini ang akusasyon ni Saladan. (Sinulat ni Ime Sornito halin sa balita sang Aksyon Radyo Iloilo)/PB
[/av_textblock]
[/av_one_full]
