[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Opisina sang mayor sa Pototan ginkawatan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, January 5, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Ginsulod sang kawatan ang opisina sang alkalde sang Pototan, Iloilo nga nahamtang sa Dalan Teresa Magbanua alas-6:20 sang aga kahapon.
Sa interbyu sang Panay Balita kay Senior Inspector Bonifacio Alabe, hepe sang Pototan PNP, nadiskubrehan na lamang ni Ramil Silva, utility ni Mayor Tomas Peñaflorida, nga ginsulod na ang opisina sang alkalde nga nahamtang sa Local Government Center sang nagsulod na sia sa opisina.
Natigayon nga mataban sang indi magnubo sa duha ka mga kawatan ang tatlo ka monitor sang desktop nga computer kag isa ka laptop.
“Sa inventory naton kaina after pagkuha sang SOCO sang fingerprints ano man lang tatlo ka monitor sang computer kag isa ka XP nga laptop. Negative ang cash,” kumpirmar ni Alabe.
Nag-agi ang suspek sa grills sang bintana sang banyo kon sa diin mahimu makasulod ang minor de edad ukon ang maniwang nga tawo.
“Posible didto sa likod sa may CR. Tungod ang grills didto puede makaigu ang bata either basta gamay nga persona puede makasulod,” dugang ni Alabe.
Samtang ginasulat ining balita, padayun pa ang imbestigasyon sang kapulisan angut sa insidente./PB
[/av_textblock]
[/av_one_full]
