GINKAKIBOT sang tanan sadtong Martes, Oktubre 13, 2026 ang pag-withdraw sang Prosecution sang ila pagpadayon sang pagtalakay sang Articles of Impeachment (AOI) Nos. 1, 3 kag 4, kag i-pursue na gid lang ang No. 2 nga nagaakusar kay VP Sara Duterte parti sa gina-alegar nga Unexplained Wealth niya.
Ang Article 1 gatumod sa isyu sang ma-anomaliya nga Confidential Funds, Article 3 angot sa Bribery sang DepEd officials, kag ang Article 4 angot sa Assassination Threats kay PBBM, FL, kag anay Speaker Romualdez.
Tungod ini, sunu kay lead prosecutor Rep. Gerville Luistro, kay gapati ang Prosecution nga may sufficient evidence na sila agud ma-establish ang impeachment offense ni VP Sara nga Unexplained Wealth sa idalom lang sang Article 2.
Ang Article 2 ga-cover sang tatlo ka akusasyon: Unexplained wealth, bayolasyon nga ga-involve sang Statements of Assets, Liabilities and Net Worth (SALN), kag ang madamo nga prohibited business interests ni VP Sara.
Ginpasugtan ining withdrawal sang Articles 1, 3 kag 4 sang Prosecution ni presiding senator-judge Chiz Escudero, despite sang objections sang Defense lawyers ni VP Sara.
Ginpanindugan sang Prosecution nga right nila ini, kag ga-align man gani mismo sa speedy trial requirement sang korte nga gina-expect gid man sang mga pumuluyo nga natak-an na sang daw wala katapusan nga “drama” sa Impeachment Trial.
Ang formal presentation sang kasuhay sa idalom sang Article 2 gin-schedule na ni Escudero sa pagsugod sa palaabuton nga Nobyembre 9, 2026.
Samtang sa mga rally sa dalanon, nagapakita na gid gani sing pagkataka ang mga naga-protesta kay para sa ila, sa ila Jury-minded, ukon common sense, nga pagpamatbat, nga Guilty na si VP Sara.
Gapati sila nga nahimo gid ni VP Sara ang impeachable offenses nga dala sang akusasyon sa Article 1 angot sa ma-anomaliya nga confidential funds kag sa Article 3 nga gaakusar kay VP Sara sang paghatag sang monetary Bribery sa DepEd officials.
Nga daan wala man ini gin-deny ni VP Sara sa iya padayon nga paghipos sa ginapabangod sa iya nga kwestyonable kag iligal nga paggamit sang kwarta sang mga pumuluyo, nga para sa ila, pag-aku ini ni VP Sara sang sining mga akusasyon.
Nagasinggit na gani sila sa mga dalanon sa Metro Manila sang “Convict VP Sara!”
***
Gin-stress man sang Prosecuton ang ila pagbalik-tanaw sa kaso ni anay SC Chief Jutice Renato Corona angot sa napamatud-an nga Undisclosed Properties niya nga gabalor USD2.4 Million kag PhP80 Million nga wala niya ma-deklarar sa iya SALN.
Tungod sining Undisclosed Properties, naghatag sang ila conviction vote kay Corona ang beinte (20) ka mga senador halin both sa administration senators kag sa political opposition agud ma-remove na si Corona sa pwesto.
Lakip diri nga naghatag sang ila non-partisan votes ang mag-utod nga senador Alan Peter Cayetano kag Pia Cayetano, Chiz Escudero, Jinggoy Estrada, Loren Legarda, kag Manuel Villar. Ang Impeachment Court sadto ginpamunuan ni senator-judge Juan Ponce Enrile.
Kon mapamatud-an na gid man ang akusasyon nga Unexplained Wealth batok kay VP Sara, ang nagboto sadto nga mga senador, nga yara man subong sa senado, katulad ni Alan kag Pia Cayetano, maboto man ayhan sila batok kay VP Sara sa iya kaso nga Unexplained Wealth?
Basi man, ukon panginmatyan gid nila ang ila pag-unong kay VP Sara? Indi gid seguro maasahan si Senador Robin kay daku gid ang iya kabalaslan kay anay Presidente Duterte sa paghatag sa iya sang absolute pardon sa conviction niya sa kaso nga possession of illegal firearms.
***
Parti sa “misuse of confidential funds” nga gabalor sang PhP612.5 Million combined – PhP600M nga padya para sa mga testigo halin sa OVP kag paghatag sang bahin sini sa non-confidential nga galastuhan para sa DepEd kag sang Bribery money sa mga DepEd officials, nahulugan na gani ang upisina ni VP Sara sang Notice of Disallowance kag gin-orderan ini nga ibalik ining kantidad sa kaban sang gobyerno.
Gabalor ini sang PhP73.287 Million nga gingasto sa sulod lang sang onse (11) ka adlaw sadtong Disyembre 2022 nga wala sang proper documentation.
***
Balik sa kaso ni Corona, ang Unexplained Wealth case ni VP Sara, katulad sa kaso ni Corona, dapat galakip sang iya bana kag mga kabataan, sunu sa nagtestigo nga retirado nga Sandiganbayan judge. Nakita man sini ang violation sa pag-preparar sang SALN. Indi itemized kag gin-lump up lang sa personal assets.
Nadiskubrihan man sang Prosecution ang at least PhP817M nga sobra-sobra nga ginakita sini sugod 2019-2025 sang mag-asawa Duterte-Carpio nga indi maka-match sa nadeklarar nga PhP98.66 Million sa iya 2025 SALN, sandig sa panestigo sang isa ka fraud lawyer/CPA.
Ang ebidensya sang Prosecution magalakip man sang PhP6.7 Billion in money laundering sang mag-asawa Duterte-Carpio halin sa report sang AMLC.
***
Meantime, okey lang nga ma-abandonar ang Article 4 nga nagaakusar kay VP Sara sang Death Threats batok kay PBBM, FL, kag anay Speaker Romaualdez.
Tutal, may napasaka naman ang Ombudsman sang kaso parti sina ang NBI sa kay VP Sara sa Sandiganbayan. Nakapyansya na gani si VP Sara kag gahulat lang tawgon sa trial./PN
