[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Saturdsy, August 19, 2017
[/av_textblock]
[av_textblock size=’18’ font_color=” color=”]
REGULAR nga revamp ukon silot?
Ini ang palamangkutanon sang mga Ilonggo kasunod sang pag-relieve sa pwesto kay Philippine Drug Enforcement Agency (PDEA) Region 6 dirrector Gil Pabilona kag gintal-usan ni PDEA Region 7 director Wardly Getalla.
Kaupod man nga na-relieve ang deputy ni Pabilona nga si Levi Ortiz nga ato na sa Region 2 samtang ang 20 ka mga agents magasunod naman nga isaylo sa iban nga rehiyon.
Ang relief nanday Pabilona et al. natabu kasunod sang pag-ako sini nga wala sa ila listahan sang mga targets si Mayor Jed Patrick Mabilog kun ilegal nga droga ang hambalan.
Sa interview kay PDEA director general Isidro Lapeña, ginpaathag sini nga ang revamp nagatuyo nga masaylo ang mga regional personnel sang ahensya agud madula ang familiarity sa ila assignment nga mangin sablag sa ila anti-drugs campaign.
Ang mga Ilonggo daw indi magbaton sini nga paathag. Ini bangud nga ang mga statements nga ginpangbuy-an ni Pabilona antes ang iya relief maathag nga nagabalabag sa direksyon sang Duterte administration nga dugmukon ang Iloilo.
Ngaa bala nga sa record sang PDEA wala ang ngalan sang alkalde kun ilegal drugs ang hambalan? Ano ang ginabasehan nga ginauyatan ni Digong?
Kasunod sang relief sang PDEA personnel, siling sang iban magasunod naman ayhan si Iloilo City Police Office (ICPO) director Senior Superintendent Remus Zacharias Canieso? Pareho ni Pabilona nagsiling man si Canieso nga wala sa ila lista ang alkalde kag wala man sang city officials nga ara sa ila lista. Ti sya naman ayhan ang masunod?
Kunsabagay ang sumulunod nga nagasupak sa sa amo dapat sipaon gid man. Ilabi na kun ang sumulunod nagasugid sang matuod samtang ang lider nagabutig.
Hasta subong nagalibog ang ulo sang publiko kun ano na ang natabu sa imbestigasyon sa mga ginpanglawag ni Duterte nga narco-personalities? Ngaa wala ginsunod lawag ang ikaduha nga batch?
Kag asta san-o nga magpabilin nga ginaya-o-ya-o ang mga narco-personalities nga wala man lang gina-imbestigahan?
Onli in da Pilipins! (jpranco1975@gmail.com/PN)
[/av_textblock]
[/av_one_full]
