[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NO. 1 MOST WANTED SA REHIYON 6, TIKLO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagtupa na gid man sa mga kamot sang mga otoridad ang No. 1 most wanted person sa rehiyon 6 makaligad ang 14 ka tuig nga pagpanago.
Si Antonio Aquino alyas Anton ang natikma sa Blue Mave Mall, Syudad sang Marikina alas-dos sang hapon kahapon.
Kasunod ini sang pagserbe sa iya sang warrant of arrest para sa kaso nga murder nga may criminal case number 02-26026 sang nagtingob sang puersa nga Iloilo Police Provincial Office (IPPO), Regional Intelligence Division 6, Criminal Investigation and Detection Group-Manila, kag Markina Police sa pagpamuno ni Senior Insp. Fernando Punzalan Jr. sa idalom sang superbisyon ni Senior Supt. Marlon Tayaba, director sang IPPO.
Si Aquino may patong sa ulo nga P300,000 sa idalom sang memorandum circular 2004-11 sang Department of Interior and Local Government.
Sia ang ginatudlo nga nagapanguna nga suspek sa pagpatay sa empleyado sang gobyerno nga si Bonifacio Merindad kag suspek man sa duha ka iban pa nga kaso sang pagpatay.
Nag-gwa sa report sang Police Regional Office 6 nga si Aquino ang na-angut sa robbery hold-up nga nagakatabu sa rehiyon 6 antes nagsaylo sa Manila kag didto na nagpanago sang halos 14 ka tuig.
Sa interbyu sang Panay Balita kay Tayaba, ginakonsiderar nila nga daku nga kadalag-an ang pagkadakop kay Aquino bangod nga madugay na nila ini nga ginalagas.
“Nobody is paved at the long arm of the law, crime doesn’t pay,” siling ni Tayaba kag gindugang nga nadakpan ang suspek paagi sa bulig sang komunidad ilabi na sang informant.
Angut sini, nagalaum si Tayaba nga ang sunod nila nga madakpan sa probinsya amo ang drug personality nga si Ernesto Bolivar nga madugay naman nga nagapanago./PB
[/av_textblock]
[/av_one_full]