[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NO. 2 DRUG SUSPECT TIKLO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang ginakabig No. 2 nga durogista sa probinsya sang Iloilo sa Barangay Nanga, Pototan, Iloilo alas-8:30 sang gab-i sang nagligad nga Lunes.
Ginkilala ang suspetsado nga si Rogel Fernandez y Pulmones, 45, kasado kag residente sang Sitio Pangpang, Brgy. Nanga, Pototan.
Bitbit ang search warrant sa pagbayolar sang RA 9165 ukon Comprehensive Dangerous Drugs Act of 2002 nga gin-isyu ni Hon. Judge Vicente V. Go, executive judge sang Regional Trial Court, Branch 68, PD Monfort North, Dumangas, Iloilo, nagpadulong ang puersa sang Pototan Municipal Police Station (MPS) sa pagpamuno ni Senior Inspector Bonifacio Alabe sa balay sang suspetsado.
Nakumpiskar sa paghinakop ni Fernandez ang walo ka plastic sachets sang ginapasuni shabu, drug paraphernalia kag isa ka cellphone.
Nag-gwa man sa report nga si Fernandez ang anay drug surrenderee sa ila lugar apang padayun gihapon sa pagbaligya sang ilegal nga droga.
Sa interbyu naman sang isa ka istasyon sang radyo kay Fernandez, ginpanginwala sini ang alegasyon sang mga pulis kag ginhambal nga planted ang nakuha sa iya nga shabu.
Sa karon, priso na si Fernandez sa karsel sang Pototan MPS./PB
[/av_textblock]
[/av_one_full]
