[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’No. 2 durogista sa Rehiyon 6 ginpriso sa BJMP’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Saturday, February 4, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nag-abot na kahapon sa sining syudad ang ginakabig No. 2 nga drug personality sa Rehiyon 6.
Ining si Ednie Jimena, hinablos ni Philippine Drug Enforcement Agency (PDEA) 6-identified drug group leader Richard Prevendido, ginsugat sang PDEA-6 sa prisohan sang Parañaque para madala diri sa syudad.
Gindala dayon si Jimena sa Iloilo Hall of Justice para i-presentar sa Branch 28 nga nag-isyu sang iya warrant of arrest antes gindala sa opisina sang PDEA-6 kag ginkuhaan sang mug shot.
Ginmando man sang korte nga prisuhon si Jimena sa Bureau of Jail Management and Penology (BJMP) sa Brgy. Ungka, Jaro.
Nahibaluan nga si Jimena ang may patong sa ulo nga P10,000.
Sa interbyu naman sang mga katapo sang media kay Jimena, gintuad sini nga wala sia makahibalo kon sa diin nagapanago ang iya tiyo nga si Prevendido kag madugay na nga wala sila nga duha sang komunikasyon.
Matandaan nga gindakop si Jimena sa atubang sang iya ginarentahan nga apartment paagi sa warrant of arrest para sa kaso sa pagbayolar sang RA 9165 ukon Comprehensive Dangerous Drugs Act of 2002 sa Syudad sang Parañaque sang Martes sang gab-i.
Ginkasohan ini sia kaupod sanday Prevendido kag Bonie Prevendido Gregori, bata ni barangay kapitan Remia Gregori sang Brgy. Bakhaw, Mandurriao sadtong Oktubre 21, 2016 matapos nga may nakuha nga balor P1.3 milyon nga ginapatihan shabu sa ila mga balay sang gin-raid sang mga otoridad./PB
[/av_textblock]
[/av_one_full]
