[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NOBYA GINLABU SANG NOBYO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Bangod sang kahulogbon, ginlabu sang nobyo ang iya nobya lakip na ang mga ginikanan sini sa Purok 1, Barangay Apilo, Sara, Iloilo takna alas-sais sang gab-i sadtong Lunes.
Gindala sa Sara District Hospital ang nobya nga si Liza Guilles y Rojo, 31, bangod sang naagom nga pilas sa likod.
Ang amay sini nga si Hermielando Guilles, 61, napilasan sa likod nga porsyon sang ulo kag ginabulong pa sa nasambit nga ospital samtang ang iya naman iloy nga si Sandra Guilles may pilas sa wala nga kamot pero nakagwa na sa ospital.
Sa impormasyon nga nakuha sang Panay Balita kay Chief Inspector Ronnie Brillo, hepe sang Sara Police Station, nagbaisay sa birthday party ang magkarelasyon nga Liza kag suspek nga si Felix Calingkad y Teves, 47, matapos nga sinsaway sang babaye ang naulihi kag ginapapuli na bangod nga tama na ka hubog.
Nagpauli man ang suspek pero ginsunod sang amay ni Liza kag ginlamposan sang pusog rason nga nagbalos ang nauna kag ginlabu sang sukbit nga binangon ang tigulang.
Gilayon nga nagpatunga sa komosyon ang mag-iloy nga Sandra kag Liza pero pati sila ang ginlabu man sang suspek.
Sunu pa kay Brillo nga nauntat lamang ang kinagamo sang namarasmasan ang suspek sa kahulogbon kag nagsungka ini sa kapulisan dala ang iya binangon./PB
[/av_textblock]
[/av_one_full]
