[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ NPA sa Panay gin-aku pag-ambush sa Army sa Janiuay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Gin-aku sang New People’s Army (NPA) sa Panay ang pag-ambush sa mga soldado sang 61st Infantry Battalion (61IB) sang 3rd Infantry Division (3ID) sang Philippine Army sa Barangay Pangilihan, Janiuay, Iloilo mga alas-10:45 sang Biyernes sang gab-i.
Sunu kay Ka Julio Montana, tagpamaba sang Coronacion “Walingwaling” Chiva Command sang NPA-Panay, isa ka yunit sang NPA sa idalom sang Jose Percival Estocada Command (JPEC) ang nag-ambush sa mga tropa sang 61IB paagi sa pagpalupok sang command-detonated explosive nga ginkabangdan sang pagkaigu sang isa ka salakyan sang mga soldado.
“Inambus ng isang yunit ng NPA sa ilalim ng Jose Percival Estocada Command (JPEC) ang nag-ooperasyong mga tropa ng 61st IB-PA sa Brgy Pangilihan, Janiuay, Iloilo. Pinasabugan ng command-detonated explosive ang mga nakasakay na kaaway at nasapol ang isang sasakyan nito,” kabahin sang post sa Facebook page sang Coronacion Chiva.
Ginhimu man sang NPA sa pag-ambush sa mga soldado bangod sang gina-alegar masobra na tatlo ka semana nga combat operation sang 61IB sa nabukid nga bahin sang Janiuay nga nakahatag sang kakulba kag kahangawa sa mga sibilyan nga mga mangunguma.
“Mahigit 3 linggo na ang combat operation ng 61st IB sa mga mabundok na bahagi ng bayan ng Janiuay, na nagdulot ng matinding takot at pangamba sa mga sibilyang magsasaka,” dugang ni Ka Julio Montana.
Gina-alegar man sang NPA nga notoryus ang 61IB sa pagpamahog, pag-hostage kag pagpaniro sa mga sibilyan nga ginapasibangod nila sa NPA.
Lakip pa sa gintumod sang NPA nga krimen amo ang pagpatay sa duha ka sibilyan sa Tapaz, Capiz kag duha ka mangunguma sa Brgy. Jebaca, Maayon, Capiz sadtong Pebrero 2017.
Kag tubtob subong gina-alegar sang NPA nga wala pa nahatagan sang hustisya ang mga biktima.
Gina-usisa man nila kon pila ang mga nasamaran sa bahin sang mga soldado samtang ginklaro nila nga wala sang nasamaran sa ila hubon.
Nahibaluan nga ginhambal ni Captain Eduardo Precioso Jr., tagpamaba sang 3ID, nga anum ka mga soldado ang nasamaran sa engkwentro nga nagdugay sang 15 minutos.
Lakip sa mga nasamaran amo sanday Corporal Ronald Peligro, 34, sang Bohol; Private First Class Joebert Porras, 26, sang Brgy. Lonoy, Calinog, Iloilo; Private First Class Ariel Ea, 24, sang President Aquino, Sultan Kudarat; Corporal Reymulondo Villa, 36, sang Mambusao, Capiz; Private Peter Calugas, 24, sang Brgy. Tagsing, Leon, Iloilo; kag Sergeant William Viado Jr., 39, sang Midsayap, North Cotabato nga lunsay nakagwa man gilayon sa Federico Roman Tirador Sr. Memorial District Hospital matapos nga mabulong ang mga samad luwas lang kay Peligro nga ginsaylo sa ospital sa syudad.
Sunu pa kay Precioso nga nagasakay sa salakyan sang Army ang mga soldado para magpadulong sa Janiuay matapos nga naghiwat sang Community Support Program sa Brgy. Panuran, Janiuay sang gin-ambush sang lima tubtob anum ka mga katapo sang NPA./PB
[/av_textblock]
[/av_one_full]
