[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nurse dakop sa buy-bust sa Cadiz’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Thursday, March 16, 2017
[/av_textblock]
[av_textblock size=” font_color=” color=”]
Syudad sang BACOLOD – Arestado ang rehistrado nga nurse sa buy-bust operation sa atubang sang City Health Office sang Syudad sang Cadiz, Negros Occidental mga alas-10 sa aga sang Martes.
Ginkilala ni Supt. Edel Jose Manzano, hepe sang Cadiz City PNP, ang suspek nga si Clifford Estilo, 26, kag taga-Barangay 5, Syudad sang Victorias. Empleyado ini sang Department of Health kag gin-assign ini sa nasambit nga City Health Office.
Sakay sa iya awto si Estilo sang gindakop sang mga otoridad matapos ginbaklan sang ginapasuni shabu. Nakuha naman sa iya poder ang walo tanan ka pinutos sa plastik sang ginapasuni shabu lakip ang buy-bust item sa baylo sang P300 nga marked money.
Sang ginpamangkot naman si Estilo kon diin niya ginakuha ang iya supply sang ilegal nga droga, naghambal sia nga halin sa Syudad sang Victorias. Insigida man nga nagtawag si Manzano sa hepe sang Victorias City PNP nga si Supt. Herman Garbosa kag naghiwat sang buy-bust sa kalye Ditching sa Brgy. 5 mga ala-una sang hapon sang Martes.
Nadakpan diri ang duha nga gintudlo ni Estilo nga sanday Sherwin Pastrana Biboso, 30, kag Jekel Coronia Liza, 26.
Nakumpiskar sa ila ang tag-isa ka gamay kag daku kag isa ka elongated sachets sang ginapasuni shabu sa baylo sang marked money subongman kwarta nga balor P210./PB
[/av_textblock]
[/av_one_full]
