[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pagsulondan sang establisimiento sa Smallville rebyuhon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gusto nga i-review ni Mayor Jose Espinosa III ang operation sang mga establisimiento ilabi na ang mga ilimnan sa Smallville Complex sa Mandurriao.
Kasunod ini sa pagpatay kay Remier Tan, 24, residente sang Lawaan Village, Jaro sadtong kaagahon sang Disyembre 3. Ginkilala ang suspek kay Vanlen Jyro Joseph Hulleza, 22, sang Barangay Sambag, Jaro.
Panugyan sang alkalde dapat may nakatalana nga tion sa paghatag sang last order.
“Usually alas-cinco naga-gulowa na ang mga naga-jogging…waay ka na naga-expect nga may mahinabu pa nga amo na by that time. Galing kay natabuan pa nga may ara pa nga nagatinir sa mga bar. So, review-hon ta ang mga bar nga kinahanglan, mga alas-3 or 4 sa aga last order na by that time para indi na mag-linger sa lugar,” pahayag ni Espinosa
Dugang pa sang alkalde nga ginahatagan sang daku nga pagtamod sang mga nagkalain-lain nga task forces sang syudad ang lugar apang may nagakatabu gihapon nga kaangay nga insidente. Luyag niya nga tan-awon man ang schedule sang duty sang kapulisan sa lugar.
Naga-apelar man dayon si Espinosa sa mga kabataan nga indi basta magpadala sa kainit sang balatyagon agud makalikaw sa gamo.
“Tani bala kon diutay man lang, pasensya gid. Amligan ta ang kabuhi ta kay isa man lang. Kon puede man lang ka pasensya, pasensyaha na lang. Indi gid magpadala sang kainit. Isip anay antes maghimu sang action. Kon matabu kamo, indi lang problema sang komunidad kundi problema man sang mga pamilya,” panugyan sang amay sang syudad sa kabataan./PB
[/av_textblock]
[/av_one_full]