[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pamilya ni Miriam, baton ang pagtaliwan sini’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Apisar nga nagtaliwan na, wala nalikawan sang pamilya ni anay Senador Miriam Defensor-Santiago nga makabatyag sang ka-ginhawa nga sa katapusan nakapahuway na ini.
Para sa paborito nga tiya ni Santiago nga si Liberty Ledesma, 86, sang Brgy. Nabitasan, La Paz, nakahibalo sia nga ano man nga oras mapahuway na si Miriam.
“Anytime from now ya Miriam will take a rest. Mas okey na nga mag-take a rest sang sa pa-obra ka pa-hero-hero pa da nga imo lang tanan libog. Ano ibayad sa imo? Ano wakal, kon kaisa libak pa…,” hambal ni Ledesma sa interbyu sang HUBLAS kahapon.
Ginlaragway man sini ang hinablos nga mahipuson apang prangka kag indi luyag nga mag-istorya parte sa personal nga kabuhi.
“Matahimik dason kon ano gusto mo nga hambalon sa iya, direktahon mo, way na damo nga hambal, kon ano gusto mo, hambala sia,” dugang ni Ledesma.
Posible man nga nasal-an sang iban nga suplada ang anay senadora apang ang matuod nga mahumok ang balatyagon sini.
“Indi na sia ya suplada ah, pero prangka lang sia ka tama. All she wanted was for you to get straight to the point. Indi niya gusto kutso-kutso,” siling ni Ledesma.
Istorya pa niya nga kon mag-abot sa Iloilo ang iya hinablos kaupod ang bana sini nga si Atty. Jun, naga-bisita gid ini sa ila balay para sekyaron ang iya sitwasyon.
“Magkadto na di sia, makadto sia sa kudal, mahambal sia, “Kamusta, auntie?” Ukon ang bana niya gusto magkadto di, makaon talaba, tawgan niya (Miriam) lang ko na,” dugang pa ni Ledesma.
Nahibaluan nga napatay si Santiago sa edad nga 71-anyos samtang ginabulong sa St. Luke’s Medical Center sa Bonifacio Global City pasado alas-otso sang aga kahapon.
MIRIAM, DAKU NGA KADULAAN
Sa pihak nga bahin, ginakabig sang mga opisyales sa Iloilo nga daku nga kadulaan ang pagtaliwan sang anay senadora.
Sunu kay Gob. Arthur Defensor Sr., pakaisa ni Miriam:
“Join me in mourning and sharing the grief of the family in the passing of Meriam. The Filipino people will never forget her relentless fight against graft and corruption, her wisdom as a constitutional and legal expert, her beliefs and principles. She will never be forgotten.”
Para sa ihibalo sang tanan, si Defensor ang mas gulang kay Miriam sang apat ka tuig kag naka-agi man sila nga duha kontrahanay samtang nagatudlo sia sa University of the Philippines sa Syudad sang Iloilo kon sa diin estudyante niya si Miriam.
“Miriam will be a pride of the Ilonggos forever. Her memories will be embedded in the deep recesses of the heart of the Ilonggos and of the Filipinos,” dugang ni Defensor.
‘DAY OF MOURNING’
Sa bahin naman ni Iloilo City Mayor Jed Patrick Mabilog, nag-isyu ini sang executive order no. 42 “declaring September 29 as a day of mourning and ordering the flying of the flag at half-mast in the city of Iloilo.”
Sunu sa alkalde naga-unong ang syudad sa bug-os nga Pilipinas sa kalisod sa pagtaliwan sang anay senadora.
Para man kay Mabilog, nagdala si Miriam sang bugal kag dungog sa mga Ilonggo paagi sa pagserbe sang tanan nga sangay sang gobyerno sa iya bug-os nga kabuhi./H
[/av_textblock]
[/av_one_full]
