[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | Kasugoan sa pagsakay sa motorsiklo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, May 26, 2017
[/av_textblock]
[av_textblock size=” font_color=” color=”]
Liwat na naman nga nangin sentro sang mga patakaran sa trapiko ang pagpatuman sang bag-o nga mga kasuguan kaangay sang pagdumili sa mga magagmay nga bata nga iangkas sa motorsiklo.
Madamo na sang mga patakaran ukon kasuguan ang nabalay kag napasad agud nga amligan ang mga nagasakay kag nagamaneho sang motorsiklo.
Target man ang motorsiklo sa checkpoint nga amo ang masami nga ginapadulog, magluwas pa sa pagpaypay sa ila sang mga tinawo sang LTO nga magpahigad kag magdulog kag ipakita ang tanan nga papeles may kaantanan sa motorsiklo kag sa pagmaneho sini.
Magluwas sa sini nga bag-o nga ginapatuman, sa nasiling ko na, madamo na sang administrative order nga ginpagwa ang LTO para sa paggamit kag pag-operate sang motorsiklo sa highway kag nalakip diri nga ang mga motorsiklo ukon scooter dapat may nagakaangay nga gina-require nga mga accessories kaangay sang headlight, tail light, signal light, brake light, side mirror, kag busina. Dapat nagasiga ang headlight sa tanan nga tion samtang nagadalagan sa dalan kag mahimo nga low beam lang kon yara sa masanag nga dalanon ukon madamo ang tawo sa palibot sang dalan.
Nahibaluan nga ang pagpasiga sang headlights sa tion sang adlaw ang gin-adoptar sa madamo nga western countries masobra na isa ka dekada ang nagligad kag ang Pilipinas ang ulihi na sa pag-adoptar sang sini nga lihok.
Ginadilian man ang pag-tsinelas kag dapat maggamit sang standard nga helmet kag dapat naka-helmet man ang iya nga angkas.
Wala man ginatugutan ang paggamit sang construction hardhat, soldier’s helmet ukon bicycle helmet sa baylo sang helmet nga aprubado sang DTI para sa nagasakay sa motorsiklo.
Tuman ka damo sang pagsulundan nga ginapatuman sa paggamit sang motorsiklo, mas magasto ang iya accessories kag mga requirement nga halos daw maminsar ka nga magbakal na lang sang magagmay nga salakyan agud ang kasibod sang patakaran imo nga malikawan.
Madasig ka nga makaabot sa imo padulungan kon motorsiklo ang imo ginamaneho, apang sa init kag ulan wala ka sang pilian bangud ini tanan imo sulayon, imo agwantahon kag imo nga batunon ang sitwasyon.
Kaangay sa tanan nga sahi sang transportasyon, nagadepende sa nagamaneho ang pagbiyahe sang masulhay, nga mahilayo sa katalagman kag makalab-ot sa padulungan nga hilway sa sablag kag kasamaran.
Dapat nga lantawon kon ano ang kawsa sang disgrasya sa dalanon, bangud bala sa motorsiklo nga kulang sa accessories ukon bangud sa haras-haras nga nagamaneho?
Kon mga dalagku nga salakyan ang madisgrasya, bangud man bala ina sa kulang nga accessories ukon sa kaharas-haras man sang nagamaneho?
Wala sa gamay ukon daku nga salakyan, wala sa accessories nga kinahanglan, yara sa kon ano ka responsable ang nagamaneho sang salakyan.
Kon responsable ang ang nagamaneho, ang kulang nga accessories iya nga pun-an, ang kasuguan sa trapiko iya nga tumanon, ang kurtesiya sa dalan iya himuon kag ang paghatag sang ligwa sa iban iya nga ginapadayon.
Dapat ipasibu ang kasuguan sa mga tawo nga amo ang magatuman, kaangay sang bayo nga ginpahimo, dapat sa magasuksok ini ang maga-igu./PB
[/av_textblock]
[/av_one_full]
