[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | NABULAGAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, May 12, 2017
[/av_textblock]
[av_textblock size=” font_color=” color=”]
Gilayon nga naghatag sang reaksyon apisar nga kulang sa impormasyon. Masami naton ini nga masalapuan sa mga tawo nga madasig maghimo sang konklusyon sa isa ka bagay, isyu, ukon hitabu nga wala sang tul-id nga ihibalo ukon kabus sa nabaton nga impormasyon.
Makatilingala bangud nga masami sa mga tawo nga makita mo sa Facebook nga nagahatag sang madasig kag wala sing pagpanalawsaw nga akto ang mga nagasugid nga mga maalam nga tawo. Sila ang masami nga nagabandera sang ila naagom nga edukasyon, ginapasundayag ang kadalag-an sang ila institusyon apang ngaa nagapiyong sa kamatuoran. Pilit nila nga ginasikway ang matuod nga hitabu. Mas luyag nila nga magpabili sa kadulom sang ila kahangag.
Naglanog ang balita nga si Janet Lim Napoles ang gin-acquit sa iya kaso nga serious illegal detention.
Bangud sa ila kaakig kay Napoles, ila ginhangop nga lubos na nga ginhilway si Napoles sa kaso. Wala nila ginbasa kag ginpadalman ang kaundan sang balita. Gilayon lang sila nga naghatag sang reaksyon nga daw kaangay nga husto sila, kag dapat kondenahon ang administrasyon, kag basulon ang karon nga gobyerno bangud sa natabu.
Nalipat sila nga padayon ang kaso ni Napoles angot sa ginatawag nga PDAF Scam. Ginpili lang nila ang ila luyag makita. Ginlikman nila ang kamatuuran kag nagpati lang sa luyag nila nga patihan. Kanugon nga kaalam, kanugon ang ila mga natun-an, kanugon ang ila pagkahangkilan.
Indi lamang sa isyu Napoles sila naga-uwak sang singgitan sa pagbantala sang ila panindugan. Madamo pa sang iban nga mga isyu nga sila ang nagatim-id kag nagasalo. Nagatilaw sila kag magkuriit, ginareklamo ang sabor nga manamit.
Naputos ang ila mata sang mahusgaron nga balatyagon. Indi nila makita ang bisan gamay nga kapawa gikan sa masanag nga kamatuuran. Ginadalukana nila ang ila kaugalingon sang manami nga higayon, sang dapat nila matun-an, sang dapat nila mahibaluan.
Mas palangga nila ang ila kaugalingon kay sa kamatuoran. Nagapibilin sila sa kadulom sang ila bugal. Nagalaum nga ang ila nakita nga kamatuoran mapanas sa isa ka pagpisok sang indi makamurot nga mata.
Makaluluoy ang ila kahimtangan. Ang ila balatyagon nagapangkandado sa ila paminsaron. Wala nila ginabuksan ang ila panghuna-huna agud nga ang kamatuoran ila nga makita.
Matuod gid man nga wala sa diploma ukon estado sa kabuhi ang mangin balasehan sa paglantaw sa tawo kon yara siya sa punto kag tadlong nga argumento.
Bisan pa mataas ang iya natapusan kon ginahiluan siya sang iya balatyagon, mamgin wala sang pulos ang iya mga natun-an.
Sa iya nga pagbantala, ginalantaw niya ang iya kaugalingon nga husto labaw sa tanan, apang sa mata sang nakahangop kag nakakita sang kamatuuran, kaangay lang siya sang nagabalang-balang sa dalan.
Tubtub san-o kamo magpaulipon sa sayop nga pagpati? Tubtub san-o kamo mahakus sa tunukon nga panindugan? Tubtub san-o kamo magpahigot sa nagliligad.
Mangin handa na sa pagbaton sang masanag nga kamatuoran, gamiton ang kaalam sa pagbukas sa kandado sang nakalipas, kilalahon ang kaugalingon agud nga masweto ang balatyagon.
Mangin tagduso sang kamatuoran agud indi makabig nga nabulagan./PB
[/av_textblock]
[/av_one_full]
