[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | NAGAKUMPASAN SA BILANGGUAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, May 5, 2017
[/av_textblock]
[av_textblock size=” font_color=” color=”]
Nagsungaw na ang madugay na nga nagapoog nga malangsa nga hilikuton angot sa pagduso sang ilegal nga druga.
Nabukaran kag ang tanan nakahaklo sa pinakaulihi nga sinapol nga ginhiwat sang Iloilo City Peace and Order Council kag Iloilo City Anti-Drug Abuse Council. Ginbuksan sang PDEA-6 ang lata sang kamatuoran nga madugay na nga ginpiyungan ukon wala masiplatan sang BJMP-6 nga nagakatabu sa sulod sang ila pasilidad.
Madamo sang nagreklamo, nagapati sila nga mahamot ang ila timplada. Apang ang manami nga putos, nagalikop sa unod nga pan-os.
Masakit ang kamatuuran, kaangay sang latigo nga nagahan-os sa balatyagon kag pang-ino-ino. Apang, ini ang makagiya sa kon ano ang angay nga himuon agud matadlong ang balaud nga mga butang, Magatudlo ini sa kon paano pangitaan sang solusyon ang ginaatubang nga problema.
Makatilingala matuod nga padayon ang paglapta sang ilegal nga druga apisar nga nahunong na ang kadamuan sa ila. Palaligban kon paano ang mga nagaduso sang ilegal nga druga nagasaot sa tukar sang isa ka sonata. Ayhan, may yara sang nagapalanton sang mahangpan nga ambahanon?
Apisar mga wala gintumod sang PDEA-6 kon sa diin nga pasilidad sang BJMP-6 nagatuhaw ang problema, kag ginpanginwala na sang jail warden sang BJMP-Ungka nga wala sila sang may nahunong nga mga high-profile target persons, mahimo nga matumod ang Iloilo Provincial Integrated Jail nga amo ang may pinakadamo nga nahunong nga mga high-profile inmates.
Matalupangdan sa asud-asud nga operasyon sang kapulisan nga lunsay mga babaye kag tuman ka damo sang bulto sang ilegal nga druga ang ila narekober. Ila nga ginpuga ang mga nadakpan kag nagtuad nga ang nagamandu sa ila yara nahunong sa sulod sang karsel.
Ginatumod nila ang pangalan sang isa ka persona nga madugay na nga nadakpan sa tuman ka daku nga balor sang ilegal nga druga nga iya ginkwa ang iya suplay sadto gikan sa Manila.
May nagakadakpan man nga nagatuad nga ang ila suplay ang gikan sa Cebu kag may yara man sang gikan sa Bacolod City.
Maathag nga ang mga suplay sang ilegal nga druga padayon nga nagasulod sa Iloilo paagi sa mga pantalan bangud nga tuman ka huyang sang pagbantay sang mga otoridad kag wala sang pasilidad nga makatumod sa kon ano ang unod sang isa ka bagahe.
Ang tanan nga mga nadakpan nagahulag kaangay may yara sang nagamandu sa kon ano ang ila himuon, sa kon sin-o ang ila tabuon, kon pila ang ila pagabatunon, kag kon paano matigayon ang transaksyon.
Masanag pa sa butlak sang adlaw sa tungang-udto ang nagakatabu. Dapat nga hugton na sang BJMP ang ila palakat sa sulod sang ila pasilidad. Dapat nga mangin mabinantayon, kag hatagan sang malisya ang hulag sang mga priso sa sulod kag indi magkampante nga daw sa wala lang sang may nagakatabu.
Tion na nga magsugilanon sang himpit kag wala sang pagpakuno-kuno ang mga opisyales sang PNP, BJMP, PDEA, kag iban pa nga natungdan nga ahensya.
Dapat nga ila ugyunan kag tapnaon ang mga priso nga hangkilan nga nagakumpasan sa bilangguan./PB
[/av_textblock]
[/av_one_full]
