[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Diin da ang usik nga kan-on?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” Mateo Jr.
[/av_heading]
[av_textblock size=” font_color=” color=”]
Thursday, June 22, 2017
[/av_textblock]
[av_textblock size=” font_color=” color=”]
ISA sang aton bumalasa, sa aton nagligad nga kolum, nagpahayag gid sang iya pag-ugyon sa aton panghuna-huna, nga supak gid man sa aton Konstitusyon ang obligahon ang mga restawran nga mag-serve lang sang tunga sa tasa nga kan-on sa panugyan sini nga Hilway nga Pagnegosyo ukon Free (Private) Enterprise.
Ina tungod ini gid man ang ginapatuman sang aton Konstitusyon, siling pa gani niya.
Ginpadumdum pa niya kita, nga wala ta mamitlang sa aton nagligad nga kolum, sang Article II: Declaration of Principles and State Policies sa diin ang Section 20 nagasiling, “The State recognizes the indispensable role of the private sector, ENCOURAGES PRIVATE ENTERPRISE, (emphasis ours), and provides incentives to needed investments.”
Luyag niya ugaling mahibal-an man ang aton pagtugda sa panugyan sang iban bahin sa problema sa kuno gina-usikan nga sobra nga kan-on sang mga kostumer, luas nga indi praktikal ining pag-serve lang sang isa ka tasa nga kan-on kay kulang gani sa madamo ang isa ka tasa nga kan-on.
Sa sini nga bagay, ang masiling naton amo nga wala kita nagapati nga may usik gid man sa sobra nga kan-on kag iban pa nga ginakaon sang kostumer, nga sa masami gamay man lang.
Sa una-una gid, ang mga sobra nga kan-on sa plato sang kostumer, natural nga indi gid man maubos. Alang-alang mo man dilapan ang mga mumho sa plato nga daw idu ukon kuring kay ang idu kag kuring ya wala etekita sa iya pagginawi.
Sa pihak nga bahin, ining mga sobra nga kan-on upod sa sud-an pati sabaw, luas sa puede dalhon sang kostumer sa pagpauli, ginabutang ina sang restawran sa dalamugan.
Ining damog ginabakal barato sang mga magagmay nga manugsagud sang baboy, pato ukon bebe man, nga nagabulig kinot sa ila galastuhon sa pagsagud sining mga hayop nga nagabulig sa pagsagud sang ila pamilya. Ti, diin da ang usik?
Inang ginadala pauli sang mga kostumer, kon indi nila kan-on sa ila balay, ginahatag man nila sa ila mga idu kag kuring, labi na gid ang medyo pigado sa pagsagud sa sining mga hayop nga kabulig nila sa ila panimalay. Ang idu gabantay sa ila balay batok sa mga kawatan, samtang ang kuring nagapapas sang mga masabad nga mga ilaga.
In fact, ang iban pa nga sobra nga pagkaon nga naka-pack, labi na gid sang mga nagasaku sa paglakat nga indi maka-ubos sang ila order, kon kis-a ginapangayo pa ina sa likod sang restawran sang mga pobre agud ipakaon sa ila pamilya. Masiling bala naton ini nga pag-usik sang pagkaon?
Kon gaulikid kita nga basi mahigko na ining sobra nga pagkaon, daw wala pa man balita nga may napatay ukon nagmalasakit sa sining mga pobre. Ti, diin da ang usik nga kan-on kag iban pa nga kalan-on?
Basi usik pa ang kan-on nga iparawog sang kostumer sa kaakig nga ang gina-serve mo sa iya nga tunga sa tasa nga kan-on kulang gid sa iya, kag kulang gani bisan sa isa ka tasa nga kan-on. Ang iban gapaapas pa gani sang isa ukon bisan duha pa ka tasa nga kan-on. Sugata mo ang bag-o lang tapos sa malawig kag mabug-at nga trabaho, bisan apat ka tasa sang kan-on kulang pa. Pati duha ukon tatlo ka baso nga tubig (service water) sa restawran nga puede mo man pangayuon sa counter basi malag-ok pa sing sagunson.
Ini ang sabat ta sa aton bumalasa nga nagpamangkot bahin sa tunga ka tasa nga kan-on sa aton nagligad nga kolum parti sa gina-proponer sang pila ka mamalidha nga nagapanugyan lang sini para makakinot sa bulugasan sang pungsod./PB
[/av_textblock]
[/av_one_full]
