[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Dugang nga kaathagan sa anti-plastic ordinance’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Tuesday, May 2, 2017
[/av_textblock]
[av_textblock size=” font_color=” color=”]
SORRY nga indi lubos ang pagpaathag naton sa anti-plastic ordinance sang Siyudad sang Iloilo sa aton nagligad nga kolum (Abril 29). Ina tungod sa kakulangan sang ispasyo nga natalana sa aton kolum.
Segurado ko nga ang ini man luyag ninyo mahibal-an bilang estudyante, researcher ukon sin-o man nga luyag makahibalo sang ginatugut ukon indi ginatugut nga paggamit sang plastic sa merkado.
Una ko nga idugang diri ang “exception” sa paggamit sang non-biodegradable nga plastic bilang una (primary) nga putos sang magagmay nga pinamakal nga ginagamit sang tindahan ukon supermarket.
Luas pa ini sa mga reusable bags, nga napahibalo ta na, nga ginatugutan man gamiton bilang ikaduha (secondary) nga suludlan nga dala sang nagapamakal nga puede himu sa kon ano lang nga materyal, non-biogradable man ukon indi.
Ang masunod nga mga non-biodegradable nga inugputos sa pinamakal
puede gamiton, sunu sa Sekyson 6 sang ordinance: Mga pinamakal nga ginagamitan sang plastic bag nga wala uluyatan (handle), buho (hole) ukon higut (string) nga masami gamiton nga primary packaging ukon wrapping basta indi ini maglapaw sa walo ka pulgada ang kitid kag 12 ka pulgada ang laba (8 inches x 12 inches) kon wala pa maghabok.
Galakip ini sang (1) mga pagkaon nga may sabaw, mainit man ukon malamig, nga linuto sa restawran ukon bisan diin nga kalan-an; kag (2) harina (flour), kalamay (sugar), kape (coffee, oil (mantika kag iban pa), patis (soy sauce), langgaw (vinegar), yelo (ice), ice candy kag mga kasubong nga balaklon.
Para ma-engganyo ang manugbakal sa paggamit sang ila kaugalingon nga inugputos ukon suludlan nga reusable para makakini sa inughaboy nga basura, gina-obligar sang ordinansa ang mga manugbaligya sa pagbalhag sa tatlo ka lugar nga madali mabasahan sang masunod nga aviso, ukon kapareho nga aviso: “This is an environment-friendly store. Please bring your own reusable shopping bags (Iloilo City Plastic Bag ordinance).”
May namangkot gali nga manugbaligya kon bala ang putos nga paper bag puede ma-doblehan sang manugbaligya sang isa ka non-biogradable nga plastic agud indi mabulwat ang unod sini?
Luyag seguro sang namangkot ipahangop nga wala na gid sang primary packaging sa iya pinamakal, gani luyag niya mahibal-an kon puede ang ikaduha nga putos halin sa manugbaligya ugaling lang non-biodegradable ini.
Ang aton sabat amo nga indi direkta ang paathag sang anti-plastic ordinance parti sini. Wala gani ang ordinansa naga-mensyonar sini.
Ugaling gasiling ini parti sa “primary packaging” sang isa ka pinamakal sang customer. Gasiling man ini parti sa paggamit sang reusable nga suludlan nga indi kinahanglan “biodegradable”.
Puede seguro mahangpan ining ikaduha nga putos bilang “secondary packaging” nga indi na sakop sang ordinansa sa paggamit sang biodegradable nga putos. Puede na ina seguro kilalahon nga “secondary packaging” nga exception to the rule nga indi na pagasukton sa manugbakal.
Ugaling, mabudlay seguro matabo ining sitwasyon, nga indi na naton kinahanglan paligban pa./PB
[/av_textblock]
[/av_one_full]
