[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (Gascon) – Sept. 14′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Budget sang CHR P1,000 lang?!
GINAPAHIBALO gali ni Atty Eugenio Original, presidente sang Samahan sang Sigma Rho sa Pilipinas, nga ang miting sa Sabado, Setyembre 16, ginasaylo sa masunod nga adlaw, Domingo, Setyembre 17, a las dos sa hapon (2 PM) sa upisina ni Atty. sa Lapaz.
Ginapangabay gid ni Atty. nga magtambong ang mga opisyales kay istoryahan naton sa sining miting ang “financial standing” sang Samahan bag-o naton hiwaton ang ika-5 nga anibersaryo sang Samahan sa Oktubre 2017.
Ang mga opisyales nga yara sa Luzon, Mindanao kag sa Visayas nga indi makatambong tungod sa ano man nga rason, ginapangabay nga magpadala lang sang ila mga representante nga makalugar sa pagtambong. Madamo gid nga salamat!
-0-0-0-
MADAMO ang nakibot sa desisyon sang Kamara (House of Representatives) nga tagaan lang sang tuigan nga budget nga P1,000 ang Commission on Human Rights (CHR) sa lugar sang ginapangayo sini nga budget nga P1.72 billion para sa 2018. Daw yamuhat ba!
Mga 80 porsyento sang mga lapit 300 ka mga mamalidha (congressmen) ang nagboto agud tagaan ang CHR sining P1,000 lang nga budget.
Ang ining boto sang Kamara ipadala pa sa Senado para man sa ila nga boto. Pagkatapos, makadto ini sa conference committee agud buylugan kon ano gid ang ila mahisugtan.
“Ang CHR bagay tagaan sang manubo nga budget bangod ‘useless’ kag naga-depensa gid lang sa kinamatarong sang mga kriminal,” pabutyag gani ni House Speaker Pantaleon Alvarez.
“Kon luyag ninyo (ang CHR) maghatag protekson sa mga kriminal, didto kamo kuha sang inyo budget sa mga kriminal. Ngaa abe magkuha kamo sang budget sa gobyerno samtang wala naman kamo gahimo sang inyo trabaho,” dugang pa gani niya.
Ini nga akusasyon ni Alvarez ginpanginwala ni CHR chairman Chito Gascon. Kon may kakulangan kami, siling niya, ina tungod sang kakulangan sa budget agud makatrabaho sing maayo, amo gani nga nagapangayo kami sing dugang nga budget.
Samtang si Congressman Edcel Lagman nagsiling nga 32 sa ila nga mga “minority lawmakers” ang naga-oponer sa sining boto sang Kamara.
“Ang mga suporter ni Presidente Duterte,”siling niya, “daw pareho lang nga nagahulog sang sentensya nga ‘death penalty’ sa isa ka ‘body’ nga gin-‘create’ kag gintagaan mandatos sang Konstitusyon bilang isa ka ‘independent body’.”
-0-0-0-
Masakit ini nga desisyon sang Kamara. Pero ano gid ang matuod nga rason sa sining boto sang Kamara?
Sa pagtan-aw naton, ang daku nga rason amo gid ang lihok sang CHR nga imbestigahan ang mga gina-alegar nga extrajudicial kilings (EJK) batok sa mga pulis.
Ang ining EJK nga akusasyon, sa pagpati sang Kamara, “biased” kag may ginaapinan ang CHR nga, sa ila dugang pa nga pagpati, isa ka pag-sabotahe sa Duterte administration, labi na gid kay si Gascon appointee ni anay Presidente Aquino sang opposition party nga Liberal Party.
Gapati seguro ang Kamara nga paagi sa sining P1,000 nga budget basi mapilitan si Gascon sa pag-“resign”.
Nagsiling ugaling si Gascon nga dalhon niya sa Korte Suprema ang kawsa sang CHR angot sa sining paglagas sang Kamara sa iya.
Butang ta pa nga mag-“resign” si Gascon nga sunu sa Kamara “biased”, ti sin-o ang aton ibulos? Ang luyag sang pumuluyo nga ang CHR “fair and just”. Pero kon ang ibulos ta naman tawo sang Duterte administration, indi man kita makasalig nga mangin ”fair and just” ini, indi bala?
Ang maayo seguro, ara gihapon si Gascon kag pila niya ka kaupdanan nga gin-appoint man ni President Aquino. Indi magsiling ang Kamara nga indi mahimo nila nga mangin “fair and just” ang CHR sa idalom ni Gascon. Simple lang! Tagaan ang mga akusado nga mga pulis sang pinakamaalam nga mga abogado agud masagang ang ano man nga akusasyon.
Kag kon magpakita pa gid si Gascon sang iya “bias”, amo na ugaling ang pag-file sang impeachment sa iya.
Agud maseguro naton nga”fair and just” ang chairman sang CHR kag bisan ang punong hurado sang Korte Suprema kag bisan pa gani ang mga chief of police, ina seguro mahimo ta sa pag-amendar sang Konstitusyon sa diin ini sila mabutang sa pwesto paagi sa eleksyon katulad sang ginahimo sang pila ka estado sa Estados Unidos. Ano abe sa inyo? #
[/av_textblock]
[/av_one_full]
